UZ

Сўнгги янгиликлар

Бир ўйин тарихи. Ўзбекистон – Нигерия 2:3 ёхуд Хиросимадаги чемпионликдан бир йил ўтиб Янгиликлар

Бир ўйин тарихи. Ўзбекистон – Нигерия 2:3 ёхуд Хиросимадаги чемпионликдан бир йил ўтиб

Ўзбекистон миллий терма жамоаси халқаро майдондаги ягона расмий совринини 1994 йил Хиросимадаги Осиё ўйинларида қўлга киритганини яхши биласиз.

Ўшанда илк бор катта нуфузли турнирда қатнашган терма жамоамизни мураббийлар Рустам Акрамов ва Биродар Абдураимов шоҳсупа сари етаклай олганди. Бироқ, дебютдаги муваффақиятли натижадан маълум вақт ўтгач икки мутахассис бошқарув постини ўша пайтдаги футболимиз раҳбарларининг жамоага аралашуви сабаб тарк этишга мажбур бўлишганди. Бунга эса сабаблар бисёр. Аммо, ушбу истеъфо жамоа зарарига ишлаши табиий ҳол эди. Акрамовдан сўнг термани қабул қилиб олган Александр Иванков эса орада шунчаки бошқарувчи вазифасини бажарарди, холос. Унинг олдида аниқ мақсад ва бирон дастур бўлмаганди. 1995 йилнинг июнь ойида Малайзиядаги ўртоқлик мақомидаги «Мустақиллик Кубоги»да омадсиз қатнашган терма жамоамиз куз ойига келиб навбатдаги расмий учрашувда майдонга тушади. Бу Осиё ўйинларидан сўнг ўтказилиши кўзда тутилган навбатдаги учрашув ҳисобланарди. ОФК вакилларининг ёрдами билан жамоамиз ўша вақтда урфга айланган Афро-Осиё миллатлар кубогида жамоамиз қитъа номидан иштирок этади. Кичик турнирда Нигерия терма жамоасига қарши иккита ўйин бўлиб ўтди. Африка вакили таркибида Жорж Финди, Даниель Амокачи, Эммануэль Амунике каби кучли топ чемпионатларда ўйнайдиган футболчилар етарли даражада топиларди. Маҳорат бобида улар яққол устун эдилар. Шунинг учун мазкур беллашувда имкониятларимиз пасдек чамаланди. Лекин, бизникилар кимсан Осиё ўйинлари чемпиони саналарди.


Ўзбекистон терма жамоаси таркибида бир йил олдигига қараганда нисбатан катта ўзгаришлар кўришимиз мумкин. Дарвозага чизиғига Юрий Шейкин эмас балки, Олег Беляков ва ёш Павел Бугало таклиф этилди. Бугалонинг терма либосидаги биринчи ўйини шу йилларга тўғри келган. Шунингдек Дилмурод Назаров, Акмал Ҳошимов, Андрей Захаров кабилар термадан таклиф олганди. Африка футболидан бехабар бўлган жамоамизни қандай услубда ўйнаши кўпчиликни қизиқтирарди.

Шу сабабли «Пахтакор» марказий стадионига шу куни 56000дан ошиқ томошабин ташриф буюрганди. Чунки, терма жамоа узоқ вақтдан сўнг яна пойтахтимиздаги тарихий ўйингоҳга қайтганди. Баҳснинг 7-дақиқасида Беляков меҳмонлар футболчиси, «Нант» клуби аъзоси Сиасианинг зарбасини қайтара олмайди ва дарвозасидан биринчи тўпни олиб чиқади - 0:1. Нигерия термасида жисмонан доим ҳар қандай даврда жисмонан бақувват бўлган футболчилар ҳаракат қилиб келган. Барибир, баҳс давомида тажриба ўз сўзини айтаётганди. Азамат Абдураимовнинг Осиё ўйинларида Жанубий Корея дарвозасига урган голи ҳали эсдан чиқиб улугурмагани учун ҳужумчидан барча мухлислар гол кутарди. Иккинчи бўлимнинг 67-дақиқасида меҳмонлар навбатдаги голни уради, Виктор Икпебанинг кучли зарбаси дарвозамиз тўрини титратади - 0:2. Ўйинни ижобий натижа билан якунлаш учун қолган дақиқаларда футболчиларимиз мўъжиза кўрсатишлиги ёки лоақал дуранг қайд этишлиги талаб этиларди. Бунинг учун улар ўйинни ўз қўлларига олиши лозим эди.


76-дақиқага келиб рақиб ўз жарима майдончаси яқинида Азамат Абдураимовни қўполлик билан тўхтатиб қолади. Стандарт вазиятдан эса Миржалол Қосимов моҳирона фойдаланади ва орадаги фарқни қисқартиради - 1:2. Унинг зарбасини нигериялик посбон Аллой Агу қайтаришга ожизлик қилганди. Қосимовнинг киритган умид голига Нванкво Кану жавоб қайтаради - 1:3. Ушбу футболчи терма жамоага Нидерландиянинг «Аякс» клубидан жалб қилинган, ўз жамоасининг етакчиларидан эди. Мазкур жамоа 90-йилларда Европада қудратли ва гранд жамоалардан бири бўлган. Бизникилар эса бундай даражадги жамоа билан терма миқёсида илк бор тўқнаш келаётганди. Бунгача эса фақат «Витесс» ва НЕК клублари билан ўйнаганди.

Баҳсдаги ҳисоб аллақачон 1:3 кўринишига келганига қарамасдан футболчиларимиз умидсизликка тушишмайди. 84-дақиқада стандартлар устаси Миржалол Қосимовнинг бурчакдан узатиб берган тўпини ҳимоячимиз Андрей Фёдоров боши билан дарвозага йўллайди - 2:3. Уйда мағлубиятга учраган вакилларимиз Нигерия пойтахти Лагосдаги жавоб учрашувида жуда яхши ҳаракат қилиб ортга кичик 0:1 ҳисобидаги мағлубият билан қайтади. Якунда "энг яхши дарвозабон" деб иккинчи баҳсда муқаррар голлардан қутқариб қолган ва ўзини кўрсатган Павел Бугало эълон қилинди. Миржалол Қосимов "энг яхши ярим ҳимоячи" деб эътироф этилди.


Афро-Осиё кубоги.
Ўзбекистон - Нигерия 2:3
21.10.1995. «Пахтакор» марказий стадиони, 56200 томошабин.
Голлар:
Миржалол Қосимов 76, Андрей Фёдров 84 – Самсон Сиасиа 7, Виктор Ипкеба 67, Нванкво Кану 79.

Ўзбекистон: Олег Беляков, Андрей Захаров, Фарҳод Магометов, Андрей Фёдоров, Миржалол Қосимов, Геннадий Денисов (Дилмурод Назаров, 55), Илҳом Шарипов, Абдуқаҳҳор Маъруфалиев (Равшан Бозоров, 65), Сергей Лебедев (Шуҳрат Мақсудов, 75), Игорь Шквирин, Азамат Абдураимов
Бош мураббий: Александр Иванков

Нигерия: Агу Алой; Эгуавон Августин; Ипае Васиу; Окафор Уче; Уэст Тарибо; Олисе Сандей; Орума Вилсон (Кану Нванку, 60); Адепожу Мутиу; Икпеба Виктор (Ожигве Карибе, 85); Сиасиа Самсон; Амокачи Даниель


Абдулазиз Искандаров тайёрлади

Рейтинг: +12   

Фикрлар

+5   
06 апр 11:11:16
Ózga sayyoralik
MTJmizni formasini ahvolini qarang, qopdek osilib yotipdi. Mamlakatimiz mustaqil bólganiga 30 yil bóldi, MTJmiz hali ham qopdek osilib yotadigan formalarda yuripdi!
+3   
06 апр 12:28:22
ФАН*
УЗБЕКИСТОН ТЕРМА ЖАМОАСИГА голлардан гулдаста хадя киламиз деб чучварани хом санашганлигини термамиз исботлаб куйишган эди, гарчи (кичик хисобда) маг'луб булишган булсада, ракибни уз уйида керагидан ортик асабийлашишга мажбур кила олишни уддалай олишган.
+3   
06 апр 12:10:26
Badjio
Бизни енг кучли составимиз мана шу йигитлар айникса Бугалодан бошлаб Шиквирингача уйнаган уйинларди согинади кунгил.С. Лебедев туп тепса ракиблар зирилаб турарди......шу спорт тв мана шу уйинларни берса бомайдими..узи мухлислари бир бунт кисак боларди очиги жонга тегди жч такрорий уйинлари.
+3   
06 апр 11:37:03
SURXON FAQAT G'ALABA
Нигериянинг таркиби шунчаки дахшат эди. Уша пайтларда Европа терма жамоалари мураббийлари Тушида курса лабига учук тушадиган даражадаги таркибга эга эди Нигерия. Сайтдаги ёш авлод истаса, хар бир футболчини Википедияда курса, янаям ишонч хосил килади
+2   
06 апр 11:23:29
NEFTCHI1994
ЯПОНИЯ ТЕРМАСИ ОСИЁ ЧЕМПИОНИ БУЛИБ ТУРИБ КУРКИБ УЙНАМАГАН ОФК ЭСА ТЕРМА ЖАМОАМИЗГА ИЛТИМОС КИЛГАН НИГЕРИЯ ТЕРМА ЖАМОАСИДАН УША ПАЙТДА ЕВРОПА ЖАМОАЛАРИ ХАМ КУРКИБ ТУРАРДИ ТОШКЕНТДАГИ УЙИНДА БЕЛЯКОВ АЙБИ БИЛАН ЮТКИЗГАНМИЗ СОБИК ИТТИФОК ФУТБОЛИДА ТОБЛАНГАН ЙИГИТЛАР ЭДИ УЗБЕК ФУТБОЛИДАГИ ЭНГ КУЧЛИ ТАРКИБ ЭДИ АДПШМАСАМ
+2   
06 апр 11:14:14
bbb
Ана шу уйинни кургандим. Тошкентда утказилган уйиндаги голларда купрок дарвозабоннинг айби катта эди (Беляков). 2-уйинда Нигерияда булган уйинда Нигерия голлардан гулдаста ясаймиз деб тушганди. Аммо дарвозда Бугало ДАХШАТ турганди. 1-0 га ютказган булсада Узбекистон яхши уйнаганди Нигерияда
+1   
06 апр 16:07:22
piramida
Ўйинни бевосита стадиондан кўргандим. Ташқарида 20 минг одам киролмай айланиб юрган у ёқдан бу ёққа. Ўйиндан кейин пахтакор метроси ёпилиб, харбийлар (автоматлар билан) Алишер Навоий метросигача мухлисларни кузатиб туришган. Ўйин зўр бўлган. Мен хам аслида ўз вақтида боришимга қарамай кўчада қолгандим. Хожатхона устидан тирмашиб чиқиб, милиционер акага ёлвориб ўтиб кетгандим. Кирганимда 0:1 эди. Стадион том маънода қайнаб ётганди. ОФК бу ўйинни японлардан олиб (1992 йилги осиё кубоги соҳиби) Ўзбекистонга берганди (94 йилги Осиё Ўйинлари ғолиби) Мана бу ерда ўйинни томоша қилиш мумкин + боссалариз кўпчилик кўриши мумкин
https://www.youtube.com/watch?v=w4FT6nV2YzM
   
13 апр 00:29:22
Jalol Jum
Ózga sayyoralik фойдаланувчининг фикрига жавоб бериш
MTJmizni formasini ahvolini qarang, qopdek osilib yotipdi. Mamlakatimiz mustaqil bólganiga 30 yil bóldi, MTJmiz hali ham qopdek osilib yotadigan formalarda yuripdi!
Спонср булиб ЯНГИ кийим ОЛИБ беринг шунда
   
13 апр 00:24:39
Jalol Jum
Бу расимлар умуман у ўйинга тугри кемайди бу расимлар бошқа
   
06 апр 22:39:35
Barca&Liver&Yuve
Rahmonoff фойдаланувчининг фикрига жавоб бериш
Бу уйинда 1 голни равшан бозоров урмаганмиди, нигерияни дарвозабони тепганда бозоровни оркасига тегиб кириб кетганди, Фёдоров биринчи голни ургани эсимда, ё ман адашдимми
Сиз айтаетган уйин БАА билан уйинда Бозоров урган. Миржалол пеналтидан хисобни очган, 1-тайм охирида Шухрат Максудов етиб олган ракиб уйинчисини тепиб кизил олиб чикиб термадан умрбодга хайрлашган уйин.
   
06 апр 16:33:34
........
Rahmonoff фойдаланувчининг фикрига жавоб бериш
Бу уйинда 1 голни равшан бозоров урмаганмиди, нигерияни дарвозабони тепганда бозоровни оркасига тегиб кириб кетганди, Фёдоров биринчи голни ургани эсимда, ё ман адашдимми
Сиз айтган голги Бозоров БАА билан уйинда урган
   
06 апр 16:25:56
piramida
Шахобиддин Мухаммад фойдаланувчининг фикрига жавоб бериш
Мен ҳам шу ўйинни айнан стадионна жонли кўргандим, ҳақиқатан Беляков жуда ахмақона голлар ўтказиб юборганди. Агар Беляков эмас Бугало турганда Нигерияни ютардик. Шунчки улар бизни менсимаганди бу ўйинда яққол сезилганди, кейин эса 0-1 бу ҳам ёмон ҳисобмасди...
Албатта Бугало турганда яхшироқ натижа бўларди. Лекин Беляков ахмоқона тўп ўтқазмаган. 3 та голда хам отилса хам етолмаслигини билиб кузатиб қўя қолган. Реакцияси зўр бугало хам бу тўпларни қайтара олмаган бўларди. 3 та голда хам рақиб ўйинчиси бирга бир туриб қаршиликсиз зарба берган. Беляковда айб йўқ эди
   
06 апр 16:12:32
piramida
Ózga sayyoralik фойдаланувчининг фикрига жавоб бериш
MTJmizni formasini ahvolini qarang, qopdek osilib yotipdi. Mamlakatimiz mustaqil bólganiga 30 yil bóldi, MTJmiz hali ham qopdek osilib yotadigan formalarda yuripdi!
ўша пайтда осилиб турадиган кийим керак бўлса форма кийиш мода бўлган. хозир бу мода эмас
   
06 апр 16:10:04
piramida
Obiddin фойдаланувчининг фикрига жавоб бериш
шуни видеоси борми?
японларга рахмат. албатта бор
   
06 апр 16:09:32
piramida
Rahmonoff фойдаланувчининг фикрига жавоб бериш
Бу уйинда 1 голни равшан бозоров урмаганмиди, нигерияни дарвозабони тепганда бозоровни оркасига тегиб кириб кетганди, Фёдоров биринчи голни ургани эсимда, ё ман адашдимми
биринчи бўлиб қосимов хар доимгидай жаримадан тўп киритган. 2 голни хисоб 1:3 бўлиб турган пайт Фёдоров урган
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг