UZ

Сўнгги янгиликлар

16:22Ракитич футболчилик фаолиятини якунлади  2 15:59Сон Хён Мин "Лос-Анжелес"га ўтишдан бош тортди  0 15:35"Насаф" ҳақоратли сўзлар ишлатган матбуот ходими вакилини ишдан бўшатди ва жамоатчиликдан узр сўради  12 15:20Расман: "Пахтакор" португалиялик бош мураббий ва унинг ассистентлари ҳамда бразилиялик легионер билан хайрлашди  9 14:57"Андижон" "Насаф" вакилининг ҳақорати юзасидан муносабат билдирди: клуб ПФЛдан чора кутмоқда  20 14:42"Ал Аҳли" Мессини сотиб олмоқчи  0 14:18"Динамо" "Насаф" расмийсининг сўзлари бўйича баёнот берди  35 14:00Клублар ўртасидаги жаҳон чемпионатида қайси жамоа ғолиб бўлади? Суперлига футболчилари тахмини  10 13:33Анвар Ҳожимирзаев: "Ўйин сўнгида омад "Насаф" томонда бўлди"  7 13:18Абдувоҳид Неъматов: "Бундай катта ўйинда VAR йўқлиги бироз ноқулайлик туғдирди"  3 13:04107 километрлик ланъат ёхуд "Динамо" - "Насаф" учрашувига нега КТС келмади?   51 12:52БУМ! Ўзбекистон Уругвай билан ўртоқлик ўйини ўтказади  25 12:37"Динамо" – "Насаф" учрашувида пенальти бормиди? Экспертимиз жавоб беради  15 12:18Акмал Мозговой: "Фаолиятимда янги саҳифани очишга қарор қилдим"  9 12:07Расман: "Сўғдиёна" сербиялик ҳимоячи трансферини эълон қилди  1

Бахтиёр Ашурматов: "Афсуски, футболда кўп мураббийларга, мухлисларга ёки журналистларга ҳозирги кун ютуғи керак" Янгиликлар

Бахтиёр Ашурматов: "Афсуски, футболда кўп мураббийларга, мухлисларга ёки журналистларга ҳозирги кун ютуғи керак"

Суперлиганинг 7-туридан ўрин олган "Андижон" - "Қўқон-1912" (1:2) учрашувидан кейин меҳмонлар бош мураббийи Бахтиёр Ашурматов ўз фикрларини билдирди.





- Ўйин ҳақида
- Авваламбор, Қўқондан келиб, бизни қўллаб-қувватлаган мухлисларга ва раҳбариятимизга раҳмат айтаман. Бугун ютқазишга ҳаққимиз йўқ эди ва йигитлар масъулиятни ҳис қилган ҳолда майдонга тушишди. Ғалаба қозониш мақсадида иккита ҳужумчи билан ўйнадик, бу ўзини оқлади. Биз ўйлаган тактик услуб ўзини оқламади деб ўйлайман, чунки дарвозамизга яқин ҳудудда ҳимоялана бошладик ва бундан "Андижон" жамоаси унумли фойдаланиб, биринчи жавоб голини урди. Пеналтидан гол урилганида, ҳисоб тенглашиши ҳам мумкин эди. "Андижон" ютқазганига қарамасдан, бугун муносиб ўйин кўрсатди. Мухлислар ўз футболчиларидан хафа бўлишмасин, пеналтидан урилмаган гол ҳам футболда учраб турадиган ҳолат. Кейинги ўйинларда уларга омад тилайман ва мухлислар хурсанд бўлишларини тилайман.

- "Қўқон-1912" 3-4 йилдан бери яхши натижалар қайд этиб келяпти. Бунга асосий сабаб нима деб ўйлайсиз?

- Ўтган йилдан бери десак тўғри бўлади. Ундан олдин жамоа асосан, Суперлигада қолиш учун курашган эди. Биз футболчиларда ўзига бўлган ишончни уйғота олдик. Тўғри, бизни таркибимизда АГМК, "Навбаҳор", "Пахтакор" каби жамоалардагидек яратувчи футболчилар камдир, масалан, ўтган йили Қувондиқ Рўзиев орқали ҳужум уюштирар эдик. Ҳозир эса жанговарлик эвазига охиригача кураш олиб боряпмиз.

- Сардор Азимов "Андижон" тарбияланувчиси саналади. Уни асосий таркибда туширишда қандайдир муаммога дуч келмадингизми, чунки ўз собиқ жамоаси эди.

- Эътибор берган бўлсангиз, Сардор Азимов охирги ўйинларда захирада қолдирилган эди. Бугун асосий таркибда туширдим. Андижонлик футболчилардан Бекмуродов, Азимов ўз шаҳарларида бемалол ва яхши ўйин намойиш этишларини кутгандим, бу ўзини оқлади.

- "Андижон"дан қандай ўйин кутган эдингиз? Охирги пайтларда жамоада мураббий масаласида кўп ўзгаришлар бўляпти...

- Афсуски, мураббийларнинг тақдири шунақа. 2-3 ўйин ютмасангиз, дарров, ишдан олишни ўйлашади. Ғуломхўжаев қийин вазиятда "Андижон"ни Суперлигада олиб қолган эди. Хоҳлагандимки, унга имконият берилганида, вазиятдан чиқиб кетиши мумкин эди. Жамоа комбинацион ўйин кўрсатишга, тўпни ўзида сақлашга уриняпти.

- "Қўқон-1912"нинг Кубок баҳсларидаги муваффақиятсизлигига асосий сабаб нимада?

- Бизнинг гуруҳ бир-бирига муносиб жамоалар ўрин олган мураккаб гуруҳ эди. Биз ҳали ўз олдимизга қўйилган мақсадга эришмасдан туриб кейинги ўйинларни ўйладик. Афсуски, футболда шунақаки, кўп мураббийларга, мухлисларга ёки журналистларга ҳозирги кун ютуғи керак. Биз "Металлург"га қарши ўйинда ротацияга қўл урдик, бу бизга қимматга тушди.

- Музаффар Абдуллаевнинг жароҳати қай даражада?

- Афсуски, уни шифохонога олиб кетишди. Биз жароҳат жиддий эмаслигидан умидвормиз ва Худодан соғлиқ сўраймиз. У ўз соғлиғини ўртага қўйиб, жамоамизни голдан сақлаб қолди.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика