«Бавария» «Байер» сардори билан келишувга эришди, бироқ бир муаммо бор

Мюнхен клуби футболчи билан 2029 йилгача мўлжалланган шартнома шартларини тўлиқ келишиб олди, деб хабар беради Sky Sport журналисти Флориан Плеттенберг. 

«Бавария» футболчининг ўзи билан келишувга эришган бўлсада, ҳали Танинг амалдаги жамоаси билан муроса қила олмаяпти. «Байер» ўз ҳимоячисини камида 40 миллион еврога сотишни режа қилган. «Бавария» эса 25 миллион евро ва қўшимча бонуслар таклиф қилди.

Ўтган мавсумда Та Бундеслигада 31 ўйин ўтказиб, 4 та гол ва 1 та ассистни ўз ҳисобига ёздириб қўйган.