Каталонияликлар Гаяни чап қанот ҳимоясини кучайтириш мақсадида трансфер қилмоқчи. Хуниор Фирпо катта эҳтимол билан жамоани тарк этиши кутилмоқда. Шу туфайли “Барселона” Хорди Альбанинг ўрнини боса оладиган футболчини изламоқда. Клуб скаутлари “Валенсия” сардорини кўпдан бери кузатишади.
Унинг трансфер нархи 35 млн еврога баҳоланмоқда. Фулбекнинг ҳозирги жамоаси билан амалдаги шартномаси 2023 йил ёзигача мўлжалланган. У ўтган мавсум Ла Лигада 33 ўйинда қатнашиб, 7+1 натижага эришди.
