"Барселона" Малкомнинг кейинги трансферидан 7,5 фоиз улуш олади
03 авг 2019 13:55
Янгиликлар

"Барселона" Малкомнинг кейинги трансферидан 7,5 фоиз улуш олади

Малкомнинг "Зенит" билан имзолаган шартномаси тафсилотлари ойдинлашиб бормоқда.

Шундай қилиб каталонияликлар бразилияликнинг кейинги трансферидан 7,5 фоиз ҳисса олишади. Футболчи клуб билан 5 йиллик шартнома имзолади.

"Барселона" 22 ёшли форвардини рус клубига 40 миллион евро эвазига сотди. "Зенит" бундан ташқари бонус сифатида 5 миллион тўлаши мумкинлиги кўзда тутилган.

22 ёшли ҳужумчи фаолиятини "Коринтианс"да бошлаган ва шу клуб тарбияланувчиси ҳисобланади.

Малком 2018 йилда "Барселона"га "Бордо" клубидан ўтган эди. Каталонияликлар бразилиялик футболчи учун француз клубига 41 миллион евро тўлашган эди.