Австрия ёшлари мураббийи: "Ўзбекистон очиқ ўйин кўрсатишни хуш кўради"
08 июн 2015 12:50
Янгиликлар

Австрия ёшлари мураббийи: "Ўзбекистон очиқ ўйин кўрсатишни хуш кўради"

Австрия ёшлар терма жамоаси бош мураббийи Андреас Хераф Ўзбекистон ёшлар терма жамоаси ҳақида фикр билдирди.

Эслатиб ўтамиз, Ўзбекистон U20 ёшлар ўртасидаги мундиалнинг нимчорак финал учрашувида Австрия U20га қарши баҳс олиб боради.

Ўзбекистон ёшлари гуруҳ босқичининг сўнгги учрашувида фижилик тенгқурларини 3:0 ҳисобида мағлуб этди, ва ушбу ўйинни австрияликлар бош мураббийи стадионда кузатди.

"Навбатдаги рақибимиз Ўзбекистон. Улар техник ва жамоавий ўйин кўрсатади, ўзбеклар таркибида идивидуал яхши кўрсаткичларга эга иқтидорли футболчилар етарли. Уларнинг кўпчилиги тўп билан яхши муомала қилади ва техникаси кучли. Ўзбекистон очиқ ўйин кўрсатишни хуш кўради. Улар кўп гол уришяпти, аммо шунга яраша кўп гол ўтказиб юбормоқда. Бизнинг учрашувда камроқ хато қилган жамоа ғалаба қозонади" - дейди Андреас Хераф.

Ўзбекистон ва Австрия ёшлари ўртасидаги нимчорак финал учрашуви 11 июнь куни Тошкент вақти билан 09:00да бошланади.

Ҳавола :

Манба : the-uff.com

Янгиликларни Телеграмда ўқинг!

Рейтинг: