"Атлетико" Суаресга ўринбосар топди
25 янв 23:55
Янгиликлар

"Атлетико" Суаресга ўринбосар топди

Мадриднинг "Атлетико" клуби "Эльче" ҳужумчиси Лукас Бойени сотиб олмоқчи.

Манбанинг хабарига кўра, 25 ёшли аргентиналик футболчи келаси ёзда жамоани тарк этиши мумкин бўлган Луис Суареснинг ўрнига "матрасчилар" учун асосий номзод ҳисобланади.

Қайд этилишича, "Атлетико" футболчини келаси ёзда сотиб олмоқчи. Бойенинг товон пули 25 миллион евро, аммо унинг клуби Сегундага тушиб кетса, бу нарх 10 миллионга тушади.

Жорий мавсумда Бойе Испания чемпионатида 17 та ўйин ўтказиб, 7 та гол урди ва 2 та голли узатмани амалга оширди. Аввалроқ футболчи "Рединг", ва "Торино" клубларида ҳам тўп сурган.

Ҳавола :

Манба : As

Янгиликларни Телеграмда ўқинг!

Рейтинг: