UZ

Сўнгги янгиликлар

02:00Olamsport: Конор Хитойни танқид қилди, Льюис Кличко билан жангни эслади ва бошқа хабарлар  0 01:45"Арсенал" франциялик футболчи билан шартномани узайтиради  1 01:05Сапонара: "Балотеллида "Олтин тўп"ни ютиш учун ҳамма нарса бор"  2 00:46"Интер" Кьеза учун икки нафар футболчисини сотади  1 00:31"Атлетико" Парти билан музокараларни бошлади  0 00:14Рюдигер: "Нима, африкаликлар ҳайвонларми?! Уят сенларга!"  7 00:05Спортчилар ижтимоий тармоқларда  0 23:54Ла Лига клуби Шакирига узоқ муддатли шартнома таклиф қилмоқчи  0 23:35"Барселона" Романьоли учун "Лацио" билан курашади  1 23:17АПЛ. Мавсумнинг рамзий терма жамоаси билан танишинг ("Sky Sports" таснифига кўра)  6 23:00"Милан" шорт-листидан 3та марказий ҳимоячи ўрин эгаллаган  3 22:43"Marca" тарқатган хабар нотўғри бўлиб чиқди  0 22:18Роналдунинг собиқ мураббийи: "Таътил Криштианунинг фойдасига ишлайди"  31 21:58Беларусь чемпионати. 3-тур натижалари, мусобақа жадвали ва тўпурарлар рўйхати  12 21:40Хави Роналдиньодан юқори турувчи ягона футболчи кимлигини айтди  2

"Атлетико" деярли идеал ўйин ўтказди, аммо такрорлаш қийин бўлади Янгиликлар

"Атлетико" деярли идеал ўйин ўтказди, аммо такрорлаш қийин бўлади

Барчасини майда деталлар ва Симеоненинг реакцияси ҳал қилди.

"Атлетико" ва "Ливерпуль" ўртасидаги исталган ўйин натижаси қанчалик адолатли бўлганини билмоқчи бўлсангиз битта "лайфхак" мавжуд: шунчаки зарбалар статистикасига эътибор беринг.

Тўғри, бошқа исталган беллашув учун бу статистик кўрсаткичнинг икки сўмлик аҳамияти бўлмайди ва у ҳаттоки алдамчи бўлиши ҳам мумкин. Лекин айнан шу жамоалар тўқнашуви учун энг маъқул йўл мана шу. Нега, дейсизми? Чунки "Атлетико"нинг ўйин фалсафаси — ўз жарима майдонига яқинлашган ва қимирлаётган ҳар бир нарсани йўқ қилишдан иборат. Бу шундлай футболки, унга қарши турган жамоа гол уёқда турсин, зарба бериш учун қулай вазиятга чиқиши мушкул вазифа. Бугунги "Ливерпуль"нинг фалсафаси эса — тўпга эгалик қилиш, ҳужумкор ўйин эвазига натижа қайд этиш. Бундай ўйин билан эса футболчилар кўп бор зарба учун вазият яратадилар. Ва одатда бу жиҳатлар уларнинг рақибларига ҳам таъсир қилади. Табиийки, ўзаро ўйинда кимнинг фалсафаси устун бўлса, ўша жамоанинг "кетмони учган" бўлади.

Энди, ўша зарбалар статистикасига эътибор беринг.

"Атлетико": мезбонлар етти бор зарба беришди, иккитаси жарима майдони ичида турган ҳолатда, тўрттаси жарима майдони ташқарисидан (қизиқ томони Томас Парти бир марта майдон марказининг нариги томонидан ҳам зарба бериб кўрди). Икки зарба ишонга аниқ етиб борди. Opta қайд этган маълумотга кўра, иккита "Big Chance" бўлди. Бу шундай вазиятларки, тўп дарвоза тўрига бориб тушмаслиги, ноаниқ кетишидан қийинроқ ҳолатлар. Умумий ҳисобда бу ўйинда "Атлетико" 1,1xG қайд этди (ва ўша битта голини ура олди).

"Ливерпуль": саккиз зарба, тўрт мартадан жарима майдони ичидан ва ташқарисидан зарба берилди. Уларнинг иккитасини рақиб футболчилари дарвозага, дарвозабонга етиб бормай тўхтатишди. Меҳмонлар бирорта аниқ зарба бера олишмади (!). Битта "Big Chance", xG бўйича кўрсаткич - 0,5. Балки сизга исбот керакдир? Муаммо эмас, мана скриншот.

"Атлетико" чин маънода "Ливерпуль"ни мағлуб этди. Бу беллашувда рақибига умуман имкон қолдирмади. 


Нега барчаси шундай бўлди: Трентнинг омадсиз куни

Табиийки, мадридликлар ўйинга пухта тайёргарлик кўришган. Ўйиндан аввал Сауль "Ливерпуль" ярим ҳимоячиларини "овчи итлар" деб атаганди, мураббийлар штаби уларни ўта оғир ўйинга тайёрганини айтиб ўтди: "Улар ақлбовар қилмас прессингни ишга солишади ва мабодо тўпни олиб қўя олмасалар ҳам, камида етти футболчи катта тезликда ортга қайтади. Уларнинг энг устун томонларидан бири - тезкор қарши ҳужумлар. Лекин рақиб чуқурроқ ҳимояланса ливерпулликлар муаммоларга дуч келадилар. Биз уларнинг кучсиз томонларини биламиз ва имкон қадар улардан фойдаланишга ҳаракат қиламиз.

Клопп ҳам жимгина ўтиргани йўқ. У ишга ижодкорона ёндашишни маъқул кўрди ва Александер-Арнольдга имкон қадар кўпроқ эркинлик беришга интилди. Трент бутун майдон бўйлаб ҳаракат қилди, ҳатто баъзи вазиятларда чап қанот ҳимоясида ҳам тўп билан муомалада бўлди. Ўйиндаги ҳолатдан келиб чиқиб унинг бўш қолган зонасини Хендерсон ва Фабиньо эгаллашди. Агар Трент марказдан ҳужумга қўшилса ва қанот футболчисидан марказдаги плеймейкерга айланса, унинг жойига Хендерсон йўл олди, ҳамда Арнольднинг ўзи каби жуда баланд жойлашиб ўйнади, 

Клопп режаси ишлаётганди. Биринчи бўлимда "Ливерпуль" 12 бор ҳаводан тўп оширишни амалга оширган бўлса, уларнинг 8 таси Александер-Арнольд ижросида эди (6 таси ўйиндан). Бу ҳозирги "Ливерпуль"нинг энг кучли томонларидан бири ва Трент муҳим фигуралардан бири эканлигини инобатга олсак, "Атлетико" учун ҳаммаси зўр ўтаётганди деб бўлмайди. Трент эркинлигини очиб берадиган яна бир факт унинг 47 та тўп оширишидан 22 таси ҳужум майдонининг учинчи қисмига амалга оширилди. Бу нафақат энг яхши, у ҳатто қолганлардан икки баробар яхши кўрсаткич бўлибт турганди. Танаффусда Симеоне жиддий қадамлардан қўрқмади: Лемарни захирага олди ва Льорентени ўйинга ташлади, бу эса бир нечта позицияларга таъсирини ўтказди. Льоренте ўнгга ўтган бўлса, Коке марказда, Сауль – чап қанотга. Барчаси Александер-Арнольднинг жуда эркин ҳаракатланаётганидан.

Танаффус вақтидаёқ ўйинчи алмаштириш, қўшимчасига тактик ўзгаришларни ҳам амалга оширишнинг бироз таваккалчилиги бор, аммо Симеоне кеч қолиши ҳеч гап эмасди. У дарҳол Трентнинг "кислород йўлини" дарҳол ёпмаса, у бундан фойдаланиб қолиши мумкин эди. Қисман, омад ҳам  "Атлетико"га кулиб боқди: Трент шу ўйинда ўзига ўхшамади, унинг қанотдан жарима майдонига етказиб берадиган тўп оширишлари ўта омадсиз чиқаверди. Қўшимчасига, мезбонлар ҳавода яхши ўйнашди. "Матрасчилар" жарима майдонларида бирор марта ҳаводаги курашда мағлуб бўлишмади, лекин ўзлари рақиб жарима майдончасида икки бор устун келишди. "Ливерпуль"га одатдагидек фаол қанотлар етишмади. 


Нега барчаси шундай бўлди: "Атлетико" ижросидаги прессинг

Иккинчи бўлимда ҳаводан тўп оширишлар янада кўп бўлди (21- «Ливерпуль»да, уларнинг 10 таси Трентга тегишли), лекин вазият энди биринчи бўлимдагидек эмасди. Яъни, қанотдаги футболчига қулай вазият яратиб, у тўпни қабул қилиб, жарима майдончасидаги ҳолатни баҳолаб, у ердаги ҳужумчи эса қулай позиция танлашга улгуриши керак. Амалда эса кураш остида қанотдан оширилган тўп учун жарима майдончасидаги ҳужумчи яна курашиши зарур бўлди. Иккинчи бўлимда "Атлетико" тўпни жарима майдонидан узоқлаштиришларни инобатга олмаганда, 40 та ҳимоявий ҳаракатларни амалга оширди. Бундай прессингда тўпни олдириб қўймаслик жуда қийин. "Ливерпуль" хатога йўл қўя бошлади: бир таймнинг ўзида 20 та мажбурий бўлмаган хатога йўл қўйди, уларнинг 5 таси майдоннинг ўз ярмида. Энди Симеоне шунчаки рақиб таркибидаги етакчиларнинг ўйини чиқмаслигидан умид қилиб ўтиргани йўқ. Сауль ва Льоренте – бу Лемар ва Коке жуфтлигига нисбатан ёпиқроқ қанот дегани. Танаффусгача "Атлетико" ёпиқ ўйин намойиш қилган бўлса, иккинчи таймда янада "ёпилиб" олди.

Ўйинда умуман хавфли вазият бўлмади демоқчи эмасмиз: Гомеснинг тўп оширишидан кейин Салах тўпга зарба бера олмади, Мората қарши ҳужумда яхши имкониятга эга бўлди, аммо тўп оёғига тушмади. Бироқ шу ҳолос, ўйин кўпроқ тактик курашлар остида ўтди. 

Майдондаги икки жамоанинг бири – олти дақиқа кам Англия чемпиони, деярли барча рекордларни янгилаб ташла(ёт)ган ва Чемпионлар Лигасининг амалда ғолиби эканлиги ҳамда у ўйинни "очиш"га интилганини ҳисобга олсак, испанларга тик туриб қарсак чалсак арзийди.

Қайд этилмаган яна бир муҳим деталь қолди. Ва усиз ўйин буткул бошқача сценарий остида ўтиши мумкин эди. "Атлетико" ҳужумчиларининг ўта ақлли прессинги бўлмаганда, майдон маркази ва қанотда бу қадар зич ва интенсив ҳаракат қила олмаган бўларди. Тўғри, Симеоне ҳар икки ҳужумчисини алмаштирди, лекин назаримизда, бу ўзгартириш футболчи ўйинидан қониқмаганлиги учун эмас, шунчаки учрашувда иштирок этган тўртта ҳужумчи ҳам тўхтовсиз ҳаракатда бўлишди. Улардан ҳужумга ўтаётганда рақиб ҳимоячилари билан курашга киришдан ҳам кўпроқ, ўша ҳимоячилар тўпни ярим ҳимоядаги шерикларига етказишларига имкон қолдирмаслик талаб қилинди. Шу орқали "Атлетико" марказий ярим ҳимоячилари эркинликка эга бўлди ва улар қанотга ўтиб ёрдам бериш имконига эга бўлишди. Қуйидаги сурат марказдаги футболчиларнинг ҳаракатини кўрсатиб беради. Агар ҳужумчиларнинг бундай ўйини бўлмаганда, ярим ҳимоядагилар ҳам бот-бот қанотга ўтиб тўп учун кураша олмаган бўлардилар.

Бу беллашув "Атлетико"ни жуфтлик фаворитига айлантирмас, лекин ўйиндан аввал бўлгани каби, "Ливерпуль"нинг навбатдаги ўлжаси деган қарашларни ўзгартиради.

Охирги олти ўйинда "Атлетико" бир бор ғалаба қозонди. Минимал ҳисобда "Гранада" таслим этилди. Жамоа Примерада "Эйбар"га (0:2) мағлуб бўлди, Қирол Кубоги доирасида "Леонеса"га ютқазиб қўйди (1:2), ўз майдонида "Леганес" билан чемпионат учрашувида (0:0) дуранг ўйнади ва "Реал Мадрид"га яна ютқазди (0:1), "Месталья"да "Валенсия" билан муроса кўчасини танлади (2:2).

Ҳозир "Атлетико" Диего Симеоне қўл остидаги даврда максимал муаммоларга дучор бўлган. Жароҳатлар, стандарт вазиятларда ишончли ўйнай олмаётган ҳимоя, ҳужумдаги имкониятлардан фойдалана олмаслик. "Атлетико" ҳатто ҳисобни сақлаб қолиш учун ҳам аввалги мавсумлардагидан ёмонроқ ўйнамоқда. 

"Атлетико" бир томондан ўз ўйини билан ҳайрон қолдирмади, чунки Симеоне жамоасини (унинг энг яхши ҳолатида) қандай ҳаракат қилиши барчага маълум. Лекин бошқа томондан ҳайрон қолдирди ҳам – чунки сўнгги икки ой жамоа ўзига ўхшамай қолганди.

"Атлетико" айнан шу ўйинда ўзига кела олди ва "Ливерпуль"га ўз ўйинини кўрсатиш учун имкон қолдирмади. Жавоб ўйинида бу унданда қийинроқ бўлади. Энди Клопп ҳам Мадриддаги ўйиндан келиб чиқиб, ўз жамоаси ўйинида бир нималарни ўзгартириши турган гап.

Шу ўринда яна бир нарса: "Атлетико" мухлисларидан ўйиндан аввалги перформанс.

 

Унда айиқ акс этган. Бу Мадрид тимсоли (айнан у клуб ва шаҳар гербида ҳам акс этган) ва маъжозий маънода ўзликка қайтиш. "Атлетико" бу ишни идеал вақтда амалга оширди.


Омонжон Тўхтамирзаев таржимаси

Рейтинг: +28   

Фикрлар

+9   
19 фев 12:12:35
Барселона - Реал Мадрид 5:0
Atletiko qoyil senga respect
+8   
19 фев 12:13:50
REAL-barselona 11:1
Simyonega GAP yu tarkibi deyarli yangilangan Atletikoni shunday shakllantirdi qoyil yemgilmasdek tuyulgan Liverpoolni yengdi Respekt
+4   
19 фев 13:19:52
Madolim
Simeone, unga beriladigan pullarni oqlamoqda! Bekorga eng koʻp maosh olmas ekan!
+4   
19 фев 12:27:17
Davlatshox Atletiko Madrid
Maqola yaxshi chiqibti. Atletiko javob o'yinida xam bugungi o'yinday tayyorlanish kerak shunda liverpulni uyida xam amallasa bo'ladi
+4   
19 фев 12:11:31
REAL-barselona 11:1
Atletiko ajoyib uynadi lekin Enfilda juda qiyin buladi
+3   
19 фев 14:42:08
Raul7
Агар Атлетико мехмонда битта гол уриб олса борми дарвозани олдига 10 та автобусни териб ташлайди бундай тактикаси амалда фойда берган
+3   
19 фев 13:39:04
A_t_l_e_t_i_c_o_M_a_d_r_i_d_⚪
Doniyor_Liverpool96 фойдаланувчининг фикрига жавоб бериш
Автобусмисан автобус койволди озиям. Духин етса эркеча ойна. Иштонгига чичипкойди озиям атлетико
Духини баланд килиб химояда турди Атлетико.
Атлетико кеча уз уйини курсатди, бу уйин услубини бутун европа билади(тан олиб булган). Шунака кучли бусен шу бетон химояни ёриб утиш. Уйиндан олдин роса макталган хужумчиларин 90 минут чираниб, хатто битта аник зарба йулломадию. Хаккиллаб югуришни эшшакхам кила олдади акил б.н уйнаш кере
+3   
19 фев 12:19:05
Azizbek.6438
Ko'r xassaisin bir marta yoqotadi. Simonega Yuventus bilan bogan oyin kotta dars bogan manimcha. Atletiko de Madrid favorit!!!
+3   
19 фев 12:15:56
Шухрат Эргашев
Жаноб Симеоне Атлетикони Атлетико килган сиз буласиз албатта, агар Ливер тусигидан утсангиз яна бир бор сизни олдингизда "шляпамизни" ечамиз, Симеони хам Европа ЧЛни титулини олишга хакли, Клопп ва унинг Ливерпули бунга йул берармикин? Кискаси ким зур булса уша ютсин.
+2   
19 фев 14:26:02
Арсенал 14
Doniyor_Liverpool96 фойдаланувчининг фикрига жавоб бериш
Автобусмисан автобус койволди озиям. Духин етса эркеча ойна. Иштонгига чичипкойди озиям атлетико
Har qanday jamoa õzidan kuchli jamoa bn shunday himoya bn uynab yutadi. Atletiko faqat himoyada emas, xujumda ham uynadiku.(chichib quydi deyishiz notuğri) Agar termamiz ham õzidan ustun bõlgan jamoani himoyada uynab yutsa nima deysiz
+2   
19 фев 14:22:35
F.A.V.O.R.I.T.
Ximoyalanish marok bagishlaydigan yagona muxlislar bu ATLETIKO muxlislari....! lekin MORATA va KOSTAda yana bir gol urish imkoniyatlari boldi...!
+2   
19 фев 12:25:36
Abdunazar
Liverpulni mag'lub bo'lgani, qaysidir ma'noda yaxshilikadir, balkim. Endi APLda bo'shashmaslikga harakat qilsa kerak.
+1   
19 фев 14:11:49
A_t_l_e_t_i_c_o_M_a_d_r_i_d_⚪
Uzbeks Number one фойдаланувчининг фикрига жавоб бериш
1-dan Liverpool bizani komandalaga oxshab bohona qiladgan klubmas 2-dan maysa holati 3ta bosqichda boladi 1. Micro 2.normal 3. Macro odatta Aplda chimla normal holatda boladi odatta Atletiko oddi komandalaga qarshi normal kucli komandalaga qarshi macro holatda oynashadi bu taktika hisoblaniladi. Macro holatdigi maysaga kop suv quyilsa tez yuguradigan kopto bilan oynidgan oyinchilani holati seknlashadi travma omasliga harakat qilishadi Atletiko bu taktikadan har doim foydalangan bu fact 3-dan oyinni yana bir marta holis muhlis sifatida korib chiqin maslaxatim...
Мен нима дедим, у́ша майдонда югурган, ку́рган у́йнаган у́йинчилар такидлаб у́тмаса бошкасини гапи шунчаки тахмин.
Ундан кегин хоп сизни гапиз тугриям дийлик, лекин сизни уша "тезкор" уйинчилариз профиионал булишкерак харкандай холатга тайёр булиши шарт.
+1   
19 фев 13:38:00
Музаффар Махмудов
Doniyor_Liverpool96 фойдаланувчининг фикрига жавоб бериш
Автобусмисан автобус койволди озиям. Духин етса эркеча ойна. Иштонгига чичипкойди озиям атлетико
Юкоридаги статистикада ливерни удар теполмади деяптику. Автобус куядиган устунлик булмадику
+1   
19 фев 13:33:51
A_t_l_e_t_i_c_o_M_a_d_r_i_d_⚪
Uzbeks Number one фойдаланувчининг фикрига жавоб бериш
Kecha Atletiko yutishiga eng kotta sabab maydon holati boldi chunki Atletiko har doim kuchli komandalaga qarshi Metropolitanoda chim holatini ozgartirishadi ya'ni chimmi standart holatdan kopro ostiradi i kn sug'orvotkanda kopro suv quyadi buni natijasida pas bn oynidgan dribling qiladigan oyinchila bu maydonda oynomi qoladi oddi misol kecha adashmasam Gomes maydoni chetida ozini toxtatomi qoldi kecha bu holatla judayam kop boldi Atletiko buni oldindan oylab chiqganligi sababli ula kopro uzun pasla i uzodan udarla berib oynashdi..(gapimga ishonmaganla kechegi oyinni yana bir marta korb chiqishini maslahat beraman) kecha Liverpoolmas Klopp yutqizdi chunki u faqat oyinga tayorlangandi lekin Simeoneni ayyorligini bilmasdi
Майдон холати идеал эди. Майса ортикча устирилганини, сув куп сепилгани майдонда 90 дакика туп сурган бирорта Ливерпул уйинчиси айтмади, сиз испаниядан шунча узокда туриб, телвидения оркали каердан билдиз буни? Зиз айтаётган нарса акилга сигмедигон нарса. Кучли бешлик чемпионатлари, хусусан УЕФА профиссионал тарзда ишледи. Бунака холат булиши мумкин эмас! Буни АТМ мухлиси сифатида эмас холис одам булиб айтяпман.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг