Артета: “Узр сўрайман”
05 апр 2022 09:05
Янгиликлар

Артета: “Узр сўрайман”

АПЛ 31-турида “Кристал Пэлас”га учралган йирик мағлубият (0:3)дан кейин, “Арсенал” устози Микель Артета ўз фикрлари билан ўртоқлашди.

“Ўйин стартиданоқ ўзимизга ўхшамадик. Бу ерга келиб, курашиш керак. Дуеллардан ғалаба қозониш, тўп учун курашларда устун келиш, тажовузкор бўлиш лозим ва бизда буларнинг ҳеч бири ўхшамади ҳамда қўшимчасига, тўп билан жуда ёмон муомала қилдик.
2-таймда эса қаттиқ ҳаракат қилдик, 3-4 та қулай имкониятга эга ҳам бўлдик, рақибнинг биргина ярим имконияти дарвозамизга пенальти белгиланишига сабаб бўлди.
Танқидни қабул қилиш, қўлни кўтариб, клуб даражасига тўғри келмайдиган ўйин учун узр сўраш ва кейин эса муносабат билдириш вақти келди. Ишлар жойида бўлганда, ҳамма ижобий фикр билдиришни, қўллаб-қувватлашни хоҳлайди.
“Пэлас”ни табриклайман, чунки улар ғалабага ҳақли эди. Улар доимо шундай ўйнашади. Мухлисларимиздан кечирим сўрайман”, дейди Артета.

Ҳавола :

Манба : BBC Sport

Янгиликларни Телеграмда ўқинг!

Рейтинг: +5