ФИФА кеча аргентиналик 29 ёшли ҳужумчини Чилига (1:0) қарши кечган баҳсда бош ҳакам ёрдамчисини ҳақорат қилганлиги боис ушбу тўртта ўйинга четлатиш ҳақида қарор қабул қилганди. Натижада Месси тўртта ўйинда майдонга туша олмаслиги билан бирга 9350 евро миқдорида жарима тўлаши ҳам лозим.
“Биз ушбу қарордан ҳайратдамиз. Боливия билан ўйинга бир неча соат қолганда бу етакчи ўйинчимизни дисквалификация қилинишидан норозимиз. Шу сабаб аппеляция берамиз”, дея таъкидлади Аргентина терма жамоаси котиби Хорхе Мьядоски.
Илгарироқ Аргентина-Чили учрашувини бошқарган барча ҳакамлар футболчи томонидан улар томонга ҳақоратли сўзлар айтилмаганини таъкидлашган эди.
