Англия футбол ассоциацияси Пакетани футболдан умрбод четлатишга чақирмоқда

Қурилмани кейинги қидирувлар учун топширишни сўраган FA энди уни терговга тўсқинлик қилганликда айбламоқда.

Маълумот ўрнида, Лондоннинг "Вест Хэм" клуби ва Бразилия терма жамоаси ярим ҳимоячиси Лукас Пакета ўзи ва дўстлари томонидан тикилган пуллар туфайли футболдан бир умрга четлаштирилиши мумкин.

Футболчи пул тикиш бозорига таъсир ўтказиш мақсадида АПЛ ўйинларидан бирида атайлаб сариқ карточка олганликда гумонланган. Маълум қилинишича, Бразилияда 60 га яқин одам ўйинчининг тегишли ўйинларда сариқ карточка кўрсатилишига 7 дан 400 фунт стерлинггача бўлган пул тиккан ва умумий ғалаба 100 000 фунтни ташкил қилган.

Футболчи ўзига қўйилган барча айбловларни рад этди ва ўз номини оқлаш учун курашишини айтди. У 2025 йилнинг март ойида пул тикиш бўйича айбловлар юзасидан суд олдида жавоб беради.