Андрей Фёдоров: "Учинчи голдан сўнг “Нефтчи” тўхтади"

-  “Насаф”га қарши ўйинга тайёрлаган барча тактик режаларимиз барбод бўлди. Асосий таркибда жиддий йўқотишлар билан ўйинга етиб келдик. Жамоаларнинг айни пайтдаги имкониятларидан келиб чиқиб, ҳисоб ўйинга яраша бўлди деб ўйлайман. Гап ҳисобда эмас. “Насаф”дек жамоани бугун ўйда ютишимиз зарур эди. Афсус. Учинчи голдан сўнг “Нефтчи” тўхтади. Энди қароргоҳимизда ўйинни кўриб, таҳлил қиламиз ва навбатдаги баҳсларга тайёрланамиз. Бойдедаевни танқид қилишди? Танқидни қабул қиламиз. Бугун нафақат Илҳом балки бутун жамоа ёмон ўйнади. Йигитларда ўзига бўлган ишонч йўқ. Бу ҳолат “Бунёдокор”га қарши баҳсдан сўнг пайдо бўлганди. Ўртоқлик ўйинлари ва машғулотларда ўзини кўрсатаётган йигитлар нима учун расмий ўйинларда ўзини кўрсата олмаётганига тушунмаяпман. Ҳозир футболчиларни мағлубиятда айблаб, босим ўтказмайман. Аксинча, футболчиларни руҳини кўтаришга ҳаракат қиламан, - деди Фёдоров.

Ҳожиакбар ЖАББОРОВ ёзиб олди