Андрей Фёдоров: "Мурод Исмоиловнинг қон босими кўтарилиб кетди"

"Йигитларни руҳий томонлама тайёрлаш керак эди. 3та мағлубият йигитларга қаттиқ таъсир қилганди. Бугунги ўйинда ғалаба қозонишимиз шарт эди. Асосий мақсад ғалаба қозониш эди", - дейди Фёдоров.

- Бугун Мурод Исмоилов захира ўриндиғида ҳам кўринмади...

- У мағлубиятларни жуда ҳам юрагига яқин олади. "Локомотив"дан кейин ўзини бироз ёмон ҳис қилди, "Навбаҳор"га қарши ўйиндан сўнг қон босими кўтарилиб кетди. Шу сабабли шифокорлар унга бироз дам олишни маслаҳат беришди. Мурод Исмоилов бугун учрашувни томошабинлар орасида кузатиб борди. Кейинги ўйинларда яна ўз ўрнига қайтишига умид қиламиз.

- Сўнгги пайтларда жамоа ҳужумкор ўйин намойиш этмаётгани айтилмоқда. Масалан, Вадим Абрамов ҳам, Рустам Мирсодиқов ҳам шундай деди. Бунга фикрингиз?

- Менимча барча иккинчи босқичнинг дастлабки учта ўйинига қараб баҳо бермоқда. Сабаби илк даврада ажойиб ўйнагандик. "Локомотив"га қарши ўйинда ҳимоядан ўйнаганимиз рост, сабаби рақиб жуда кучли эди, буни тан олиш керак. "Навбаҳор" билан ўйинда эса ҳужумкор ўйнадик. Бугун айтганимдек асосий мақсадимиз ғалаба эди, чиройли ўйин иккинчи даражали эди.  

- Наманганда балки ўзгаришларни кеч амалга ошириб хато қилгандирмиз. Бугун эса натижа устувор эди, шу боис ғалабали ҳисобни ушлаб қолишга уриндик. "Металлург" кучли рақиб, уларда тажрибали футболчилар жуда кўп. Бекобод клубидан битта кўп гол уриб ғалаба қозондик.

- Яна ғалабали серияга қайтишга умид қиламиз. Аммо ғалаба қозониш жуда қийин, кетма-кет ғалаба қозониш эса ундан ҳам оғир. 

Комилжон Икромов ёзиб олди