Андрей Фёдоров: "Бундай ҳисобларни муҳокама қилиш қийин"

"Бундай ҳисобларни муҳокама қилиш қийин. Гарчи учрашувда 7 гол урган бўлсак-да, рақибларнинг ўйинига ҳам яхши баҳо берган бўлардим. Бундай учрашувларда ҳар доим ҳисоб очилмай турган вақтида ўзимиздан кучсизроқ бўлган рақибларга қарши ўйнаш қийин бўлади. Рақиблар аввалига тартибли ўйнашди. Кейинчалик биз узун, қисқа тўп оширишлари орқали дарвозага йўл топишни уддаладик. Аммо учрашув давомида камчиликларимизни кўрдик, айрим жиҳатларимизни кучайтириб олиш кераклигини билиб олдим.

Янги бош мураббий? Ҳа, мен айни дамда бош мураббийлик вазифасини бажаряпман. Бироқ янги бош мураббий борасидаги саволни раҳбариятдагиларга бериш керак.

Нестеров "Металлург"га қарши учрашувда жароҳат олганди. Унинг елкасидан жароҳати бор эди, шу боисдан у бир неча кун машғулотларда қатнашмади. Сардор Рашидовнинг бурни қонаган бўлса-да, унинг яхши ҳолатда.

Рақиблар ҳам яхши жамоа экан. Уларнинг "Локомотив-БФК"га қарши ўйинини томоша қилгандим. Улар бунданда яхшироқ ўйин кўрсата олишарди. Жамоанинг айрим жиҳатларини билган ҳолда, йигитларни бугунги учрашувга тайёрладим. Шу боисдан ҳам яхши ўйин кўрсата олдик"

Ислом Тўхтахўжаев: "Бундай жамоалар ҳар доим биринчи голгача ўйнашади. Жамоада иқтидорли, иштиёқли ёшлар кўп экан. "Локомотив"га қарши ўйнаш уларга дарс бўлди деб ўйлайман"