"Андижон" ҳам йиғинни бошлади. Таркибда бир қатор янгилар

Жамоа аъзолари тушликдан сўнг Андижонда йиғилди ва соат 15:30да Шўрбулоқ даҳасидаги сунъий майдонда енгил машғулотлар ўтказилди. Бу сафар йиғинга Эдгар Гесснинг ўзи бош бўлади. Эътиборлиси машғулот жараёнига Андижон шаҳар ҳокими Нурилло Алимовнинг шахсан ўзи ташриф буюуриб, жамоа аъзолари билан учрашди ва ижобий томонга ўзгариш бўлиши тўғрисида айтиб ўтди.

Жамоанинг биринчи кунги машғулотида бир қатор янги футболчилар иштирок этди. Хусусан "Бухоро" билан хайрлашган Фаррух Турдиалиев, Шукур Жумабоев, Санжар Асқаралиев Навбаҳор ҳужумчиси Абдумалик Абдуллаев. Шунингдек маълум муддат жамоасиз юрган Шавкат Раимқулов, Темур Яфаров сингари ўйинчилар кўрикдан ўтмоқда. Булардан ташқари яна бошқа ўйинчиларнинг ҳам яқин кунларда клуб лагерига етиб келиши кутилмоқда.