UZ

Сўнгги янгиликлар

17:43"Динамо" ўртоқлик ўйинида Беларус клубини йирик ҳисобда таслим қилди  0 17:21Моуринью "Ман Сити"нинг қоидабузарликлари ҳақида: "Қонун бўйича 2017/18 мавсумда МЮ чемпион бўлиши керак эди"  1 16:59"Челси" 19 ёшли ҳимоячи - Хатони сотиб олмоқчи  2 16:11Уэсли Снейдер: "Салоҳни тарихдаги энг буюк футболчилардан бири деб ҳисоблаш мумкин"  2 15:49Жозе Моуринью: "Илгари кўпроқ пул топгани энг яхши мураббий деб ҳисобланарди, энди эса – энг яхши образга эга бўлгани. Бугун энг муҳими – юқори даражали пиарга эга бўлиш"  5 15:31Иванович ва Швайнштайгер тўққиз йиллик турмушдан сўнг ажрашишди  1 15:13Артета АПЛдаги рақобат ҳақида: "Лигада биздан бошқа яна 6-8 та клуб соврин учун бемалол кураша олади"  0 14:54Ўзбекистон U-23 - Саудия Арабистони U-23. Энг яхши уч футболчи ким бўлди?  2 14:26Исак унга бўлган қизиқишлар фонида "Ньюкасл"даги йиллик маошини сезиларли даражада ошириб олмоқчи, аммо...  2 14:00Снейдер Моуринью ҳақида: "2010 йилда Жозе бизни ҳар кимни мағлуб этишимиз мумкинлигига ишонтирган"  2 13:24ФОТОГАЛЕРЕЯ. Ўзбекистон U-23 – Саудия Арабистони U-23 3:1  0 13:23"Like Cup" якунланди: "Ал Бадр" - чемпион!   5 13:08Ўтган мавсум 1 та гол урган АПЛ футболчиси Шомуродов ўрнига "Рома" ҳужумчисига айланди  10 12:46Снейдер "Олтин тўп" ҳар доим ҳам муносибларга насиб этмайди деб ҳисоблайди  36 12:19"Бенфика" ўзи учун рекорд сумма - 27 млн. еврога футболчи сотиб олди  3

"Андижон"нинг келажаги, сўнгги йиллардаги пасайиш ва "Навбаҳор" билан ўйин". Иброҳим Отахонов билан интервью Янгиликлар

"Андижон"нинг келажаги, сўнгги йиллардаги пасайиш ва "Навбаҳор" билан ўйин". Иброҳим Отахонов билан интервью

Суперлиганинг 12-турига келиб "Андижон" жамоаси узоқ кутилган ғалабани қўлга киритди.

"Навбаҳор" билан кечган учрашувда Ёрқин Назаров шогирдлари 1:0 ҳисобида ғалаба қозонди ва ўз дарвозаси даҳлсизлигини сақлаб қолди. Ҳимоя чизиғи вакилларининг ишончли ҳаракатлари жамоанинг ютуғида катта рол ўйнади, дея оламиз.

Мазкур учрашувдан сўнг жамоанинг кам сонли тажрибали футболчиларидан бири Иброҳим Отахоновга бир нечта саволлар билан юзландик.

- Дарҳақиқат кеча чинакам дерби гувоҳига айландик. "Андижон" тактик томондан "Навбаҳор"ни ютди, десак муболаға бўлмайди. Танланган тактика ва ўйин ҳақидаги фикрларингиз билан ўртоқлашсангиз...

- Фикрингизга қўшиламан. Тўғри айтдингиз, танлаган тактикамиз иш берди. Учрашувга тайёргарлик жараёнида "Навбаҳор"нинг сўнгги ўйинларини ўрганиб чиққандик. Шундан келиб чиқиб ўз ўйинимизни ташкил қилишга ҳаракат қилдик. Якунда биз учун омадли кеча бўлди. Стадионга ташриф буюриб қўллаб-қувватлаган мухлисларимизга миннатдорчилик билдираман. 

- "Андижон" шу пайтга қадар "Навбаҳор" майдонида ғалаба қозонишни уддасидан чиқа олмаганди. Нима, деб ўйлайсиз, балки мазкур жиҳат ҳам жамоага қўшимча мотивация бердими?

- Ҳа, жамоамизга Наманганда ютуқни қўлга киритиш насиб қилмаганди. Янги тарих яратдик, десам ҳам бўлади. 

- Жамоанинг Суперлигада биринчи даврадаги иштироки борасида нима дея оласиз? Лекин сўнгги турларга келиб "Андижон"нинг ўйинида ижобий ўзгариш борлигини пайқадик...

- Тўғри таъкидладингиз. Биласиз, жамоамиз ёш футболчилар билан янгидан шаклланмоқда. Бу ҳам ўз таъсирини ўтказмасдан қолмади. Ўз ўйинимизни топиб олиш қийин кечди. Охирги учрашувларда ўзимизга бўлган ишонч ортиши ҳисобига ўйинимиз ҳам ўхшади ва мана натижа ҳам секин-аста келди. 

- Жамоадаги кам сонли тажрибали футболчилардан бири бўласиз. Шунингдек ҳақиқий Андижон ўғлонисиз десак муболаға бўлмайди. Мавсум бошида яна катта футболга қайтдингиз. Бунга нима туртки бўлди ?

- "Андижон" мен учун бегона жамоа эмас. Клубнинг эшиклари мен учун ҳамиша очиқ, деб ўйлайман. Мураббийлар мени жамоада кўришни исташди. Уларга қўлимдан келганича ёрдам беришга ваъда бердим. 

- Клубнинг сўнгги йилларда жон сақлаш учун курашгани ачинарли ҳолат эмасми?  

- Жамоа охирги мавсумларда Суперлигада қолиш учун ҳаракат қилаётгани тўғри. Лекин бугунги кунда "Андижон"да катта ўзгаришлар бўлмоқда. Клуб президенти Журъатбек Қувватов 3 йил ичида жамоани кучлилар қаторига олиб киришга бел боғлаган. Барча бирдек ҳаракат қилмоқда. Раҳбариятнинг ишончини оқлашга ҳаракат қиламиз. 

- Сўнгги дақиқаларда ҳимоячи Усмонали Исмоналиевнинг ҳужумга ўтиши олдиндан ўйланган тактика эдими?

- Ўйин дурангга қараб кетаётганди. Биз охирги дақиқалар қолганини билиб ҳужумга ўтдик. Усмонали Исмоналиев ҳужумчи ролида жуда яхши ўйнади ва тўпни яхши қабул қилиб олиб ғалаба келтирган голга муаллифлик қилди. 

-  Андижон футболининг эртасини қандай кўряпсиз?

- "Андижон"нинг келажаги борлиги аниқ. Амалга оширилаётган ишлар ўз мевасини беришига ишонаман. 

Абдулазиз Искандаров суҳбатлашди

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика