"Андижон" "Бухоро"га қарши ўйинни томошабинларсиз ўтказади, "Нефтчи" аъзоси 2 та ўйинга четлаштирилди, "Қизилқум" футболчисининг 2 та сариқ карточкаси бекор қилинди — Тартиб-интизом қўмитаси

Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

 Суперлига

“Бунёдкор” — “Нефтчи”

Суперлиганинг 23-тури доирасидаги “Бунёдкор” — “Нефтчи” учрашувининг 27-дақиқасида “Нефтчи” футбол клуби футболчиси Д. Туропов тўп учун курашиш вақтида оёғининг таг қисми билан рақиб ўйинчисининг тизза қисмига тепгани учун майдондан четлаштирилган.

Тартиб-интизом қўмитасининг қарорига кўра, Диёржон Туроповга (Нефтчи) нисбатан 2 та ўйинга четлаштириш интизом чораси қўлланилди.

“Бунёдкор” — “Нефтчи”

Суперлиганинг 23-тури доирасидаги “Бунёдкор” — “Нефтчи” учрашувининг 81-дақиқасида “Бунёдкор” футбол клуби футболчиси Ш. Абдураҳмонов иккинчи сариқ, қизил карточка олгандан сўнг боши билан бош ҳақамнинг юз қисмига зарба бермоқчи бўлган ва тажовузкор ҳаракат қилган ҳолати қайд этилган.

Тартиб-интизом қўмитасининг қарорига кўра, Шохрух Абдураҳмоновга (Бунёдкор) жарима интизом чораси қўлланилди.

“Бунёдкор” — “Нефтчи”

Суперлиганинг 23-тури доирасидаги “Бунёдкор” — “Нефтчи” учрашуви комиссаридан билдирги келиб тушган. Унга кўра, “Нефтчи” футбол клуби муҳлислари томонидан учрашув давомида, шу жумладан, учрашувнинг танаффус вақтида ва учрашув якунлангандан сўнг учрашув ҳакамлари шаънига ҳақоратли сўзлар ишлатилгани ҳамда майдонга турли хил буюмлар улоқтирилгани билан боғлиқ  ҳолатлар  бўйича тегишли чора кўриш сўралган. Шунингдек, учрашувга оид видеоёзув ва бошқа маълумотлар таҳлил қилинганда мезбон жамоа сифатида “Бунёдкор” футбол клуби томонидан стадионда жамоат тартиби ва хавфсизлигининг таъминланиши етарлича ташкил этилмагани аниқланди.

Тартиб-интизом қўмитасининг қарорига кўра, “Нефтчи” футбол клубига нисбатан ўз муҳлислари томонидан салбий хатти-ҳаракатлар содир этилишининг олдини олинмагани учун ЎФА Интизом кодексининг 5.34-бандига асосан жарима интизом чораси қўлланилди.

Шунингдек, “Бунёдкор” футбол клубига нисбатан стадионда жамоат тартиби ва хавфсизлигининг таъминланиши етарлича ташкил этилмагани учун ЎФА Интизом кодексининг 5.9-бандига асосан жарима интизом чораси қўлланилди.

“Олимпик” — “Қизилқум”

Суперлиганинг 23-тури доирасидаги “Олимпик” — “Қизилқум” учрашувининг 14-дақиқасида “Олимпик” футбол клуби футболчиси А. Бўриев тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Абдурауф Бўриевга (Олимпик) нисбатан 2 та ўйинга четлаштириш интизом чораси қўлланилди.

“Олимпик”—“Қизилқум”

Суперлиганинг 23-тури доирасидаги “Олимпик” — “Қизилқум” учрашувининг 77-дақиқасида Қизилқум футбол клуби футболчиси А. Шулаига учрашув бош ҳақами томонидан  берилган биринчи ва иккинчи сариқ карточка, қизил  карточка бўйича вазият Ўзбекистон футбол ҳакамлари марказининг ташаббуси билан Эксперт ҳакамлар комиссияси томонидан кўриб чиқилиб, бош ҳакам томонидан ушбу вазиятда хато қарор чиқарилган, деб топилган.

Тартиб-интизом қўмитасининг қарорига кўра, “Олимпик”— “Қизилқум” учрашуви бош ҳаками томонидан Акаки Шулаига мазкур учрашувда кўрсатилган барча карточкалар ЎФА Интизом кодексининг 5.61-бандига асосан Ўзбекистон футбол ҳакамлари маркази Эксперт ҳакамлар комиссияси билан келишилган ҳолда бекор қилинди.

“Андижон” — ОКМК

Суперлиганинг 23-тури доирасидаги “Андижон” — ОКМК учрашувда, “Андижон” футбол клуби муҳлислари томонидан учрашув давомида, шу жумладан, учрашувнинг танаффус вақтида ва учрашув якунлангандан сўнг учрашув ҳакамлари шаънига ҳақоратли сўзлар ишлатилгани ҳамда турли хил буюмлар улоқтирилгани, улоқтирилган буюмлардан бири ёрдамчи ҳакамга теггани қайд этилган.

Тартиб-интизом қўмитасининг қарорига кўра, “Андижон” футбол клубига нисбатан келгуси 1 та уй учрашувини томошабинларсиз ўтказиш ва жарима интизом чораси қўлланилди.

Про-лига

“Юниред” — “Арал”

Про лиганинг 22-тури доирасидаги “Юниред” — “Арал” учрашувининг  70-дақиқасида  “Арал” футбол клуби футболчиси Д. Низанов тўпсиз вазиятда боши билан рақиб ўйинчисининг юз қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Дамир Низановга (Арал) нисбатан 3 та ўйинга четлаштириш интизом чораси қўлланилди.

“Навбаҳор фарм” — “Локомотив

Про лиганиг 22-тури доирасидаги “Навбаҳор фарм” — “Локомотив” учрашувининг 45-дақиқасида “Навбаҳор фарм” жамоаси мухлислари томонидан рақиб жамоа футболчилари ва учрашув расмийларининг шаънига ҳақоратли сўзлар ишлатилиб, ўзларини тажовузкор тутганлиги,  натижада учрашув комиссари учрашувни 2 дақиқага тўхтатишга мажбур бўлган.

Тартиб-интизом қўмитасининг қарорига кўра, “Навбаҳор лочинлари” футбол клубига нисбатан жарима интизом чораси қўлланилди.

Биринчи лига Кубоги

“Дўстлик Тошкент” — “Янгиер қурувчи”

Биринчи лига Кубогининг 4-тури доирасидаги “Дўстлик Тошкент” — “Янгиер қурувчи” учрашувининг 16-дақиқасида “Дўстлик Тошкент” жамоаси футболчиси Ш. Қодиров оёғининг таг қисми билан рақиб ўйинчисининг тўпиғига зарба бергани учун майдондан четлаштирилган.

Тартиб-интизом қўмитасининг қарорига кўра, Шерзод Қодировга (Дўстлик Тошкент) нисбатан 2 та ўйинга четлаштириш интизом чораси қўлланилди.

“Дўстлик Тошкент” — “Янгиер қурувчи”

Биринчи лига Кубогининг 4-тури доирасидаги “Дўстлик Тошкент” — “Янгиер қурувчи” учрашувининг 23-дақиқасида “Янгиер қурувчи” жамоаси футболчиси Т. Омонов оёғининг таг қисми билан рақиб ўйинчисининг тўпиғига зарба бергани учун майдондан четлаштирилган.

Тартиб-интизом қўмитасининг қарорига кўра, Турдимурод Омоновга (Янгиер қурувчи) нисбатан 2 та ўйинга четлаштириш интизом чораси қўлланилди.

U-21 чемпионати

“Насаф” U-21— “Металлург” U-21

U-21 чемпионатининг 23-тури доирасидаги “Насаф” U-21 — “Металлург” U-21 учрашувининг 28-дақиқасида “Насаф” U-21 жамоаси футболчиси С. Буронов тўп учун курашиш вақтида оёғининг таг қисми билан рақиб ўйинчисининг юз қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Сарвар Буроновга (Насаф U-21) нисбатан 2 та ўйинга четлаштириш интизом чораси қўлланилди.

“Сурхон” U-21 — “Навбаҳор” U-21

U-21 чемпионатининг 23-тури доирасидаги “Сурхон” U-21 — “Навбаҳор” U-21 учрашувининг 40-дақиқасида “Навбаҳор” U-21 жамоаси футболчиси А. Абдураззоқов тўпсиз вазиятда рақиб ўйинчисининг оёғига зарба бергани учун майдондан четлаштирилган.

Тартиб-интизом қўмитасининг қарорига кўра, Аброржон Абдураззоқовга (Навбаҳор U-21) нисбатан 2 та ўйинга четлаштириш интизом чораси қўлланилди.

“Олимпик” U-21 — “Қизилқум” U-21

U-21 чемпионатининг 23-тури доирасидаги “Олимпик” U-21 — “Қизилқум” U-21 учрашувининг 73-дақиқасида “Қизилқум” U-21 жамоаси футболчиси А. Музаффаров тўпсиз вазиятда рақиб ўйинчисининг кўкрак қисмига тирсаги билан зарба бергани учун майдондан четлаштирилган.

Тартиб-интизом қўмитасининг қарорига кўра, Акмалжон Музаффаровга (Қизилқум U-21) нисбатан 2 та ўйинга четлаштириш интизом чораси қўлланилди.

Аёллар ўртасидаги Ўзбекистон Кубоги

ОКМК W — “Сўғдиёна W”

Аёллар ўртасидаги Ўзбекистон Кубогининг  ярим-финал босқичи доирасидаги ОКМК W — “Сўғдиёна W” учрашувининг 79-дақиқасида “Сўғдиёна W” жамоаси футболчиси Д. Хабибуллаева тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Диёра Хабибуллаевага (Сўғдиёна W) нисбатан 2 та ўйинга четлаштириш интизом чораси қўлланилди.