Анчелотти Камавинганинг "Реал"даги истиқболига баҳо берди

Карло Анчелоттининг айтишича, Эдуардо Камавинга Мадрид лагерида аллақачон бебаҳо тажриба орттирмоқда.

"Камавинга, Вальверде ва бошқа ёш футболчилар Модрич, Кроос ва Каземиро билан бир жамоада эканликларини тушунишлари керак. Улар дунёнинг энг зўрлари билан рақобатлашаётганини қадрлашлари ва биринчи таркибда келажакда ўйнашларини тўғри қабул қилишлари лозим.

Эдуардода ажойиб фазилатлар куч бор, лекин у ўз устида ишлашда давом этиши керак. У эндигина 19 ёшда! Модрич, Кроос, Каземиро билан ҳар куни машғулот ўтказиш – бу магистрлик даражасига эга бўлишдек гап", – деди Ангчелотти.

19 ёшли Камавинга жорий мавсумда "Реал" сафида барча мусобақаларда 23 ўйин ўтказиб, 1 та гол урди ва 1 та голли узатмани амалга оширди.