Анасхон Раҳматов кейинги босқичга йўлланма олиш, урган голи ва ота-онасидан миннатдорлиги борасида

Мисрга қарши ўйин терма жамоамизнинг ғалаба тўпини Анасхон Раҳматов томонидан киритилди. Ўйиндан сўнг Раҳматов билан суҳбатлашдик.

- Биз учун муҳим ўйин эди. Жуда ҳам қийин ўйинни ўтказдик. Иккала жамоанинг ҳам кучли тенг келди. Кимдир кўпроқ вазият ярата олса ва гол ура олса, ўша ғалаба қозона оларди. Якунда эса биз ўша имкониятдан фойдаланиб, ғалабани қўлга киритдик. Футзалимиз тарихини яратишни истагандик. Мана шу истак билан охиригача курашиб, мақсадимизга эришдик.

Миср устидан қозонилган ғалаба борасида

- Ғалабага бўлган катта иштиёқ эвазига қўлга киритдик. Қолаверса, бутун Ўзбекистон қўллаб турди. Оила аъзоларимизнинг бизга мухлислик қилиб турганлигини ҳис қилган ҳолда майдонг тушган эдик. Қандай бўлмасин, ғалаба қозониб, кейинги босқичга чиқишни истаётгандик.

Аввалги ўйинлардаги мағлубиятлар хусусида

- Тўғриси, Гватемалага ютқазиб қўйганимиз чакки бўлди. Ўйин аввалида ҳаёжон юзага келди. Бу эса натижамизга таъсир кўрсатди. Ўзимиз истаган даражада ўйин намойиш қила олмадик. Қолаверса, рақибимиз жуда омадли терма жамоа эканлигини кўрсатди. Яратилган кичик вазиятларидан унумли фойдаланди. Россияга ютқазиб қўйганимизга келсам, рақиб кучли эди. Шунга қарамай, олдиндан таслим бўлганимиз йўқ. Сўнгги дақиқаларга қадар курашиб, вазиятни ўзгартирмоқчи бўлдик. Барибир тажриба ўз сўзини айтди. Россия биздан устунлигини намойиш қилди.

Гол урган вазияти тўғрисида

- Ҳисоб тенг бўлиб турган вазиятда бизни яна бир гол уришимиз муҳим эди. Ғалаба голини уриш менга насиб қилган экан. Тўғриси, ғалаба тўпини киритганимдан жуда хурсандман. Асосийси, мухлисларимиз ва халқимиз олдида уятли вазиятга тушиб қолганимиз йўқ. Уларнинг қўллаб-қувватлашларини оқлай олдик. Бу эса менинг гол урганимдан ҳам кўра, муҳимроқ воқеа бўлди.

Шу ўринда биринчи бўлиб мени қўллаб турган ота-онамга раҳмат айтаман. Улар мени қийин вазиятда ҳам кайфиятимни кўтариб туришди. Футзални танлаб, шу даражага чиқишимда Хуришд ака Тожибоевнинг ҳиссаси катта бўлди. Шунингдек, Баҳодир ака Аҳмедова Нодир ака Элибоевларга ҳам миннатдорчилик билдираман. Шу инсонларнинг қўллаб-қувватлаши бўлмаса, майдонда ҳеч нарса қила олмасдик.

Кейинги рақиб хусусида

- Кейинги рақибимиз ким бўлишини истардим? Менга қолса, Эрон билан ўйнасак яхши бўларди. Чунки биз бу терма жамоага қарши ўйинларда доимо ёмон натижага эришганмиз. Жаҳон чемпионатида ўзаро тўқнаш келиб, ўзимиз учун нохуш бўлиб келаётган серияга нуқта қўйишни истардим.