Хулиан Альварес Диего Симеоне билан "Барселона"га ўтиш истагини муҳокама қилди. Mundo Deportivo ёзишича, бугун аргентиналик ҳужумчи таътилдан кейин бош мураббий ҳузурида "Атлетико" билан илк машғулотини ўтказди. Футболчи ва мураббий машғулот бошланишидан олдин суҳбатлашишди. Таъкидланишича, Симеоне ва Альварес машғулотга жуда эрта келишган. Диего ҳали ўзи кўрмаган футболчиларни, жумладан Хулиан, Алекс Баэна ва Маркос Льорентени қутлади. Айнан шу пайтда Альварес ва мураббий ўртасида суҳбат бўлиб ўтди, унда футболчи вазият ҳақида ўз фикрини билдирди. Симеоне футболчининг келажаги ҳақидаги қарорни клуб қабул қилишини, ўзи эса мураббий сифатида фақат спорт жиҳатидан ёрдам бериши мумкинлигини айтди. Хулианга унинг вакиллари Фернандо Идальго ва Серхио Диас ҳамроҳлик қилишди, улар келажаги масаласини ҳал қилиш учун ҳужумчи билан бирга Мадридга келишган эди, гарчи "Атлетико" сотувга ҳамон кескин қарши бўлса ҳам.
