Александр Ежов: “Кетма-кет мағлубиятлар жамоамиз футболчиларига таъсир қилди”
13 сен 2018 12:52
Янгиликлар

Александр Ежов: “Кетма-кет мағлубиятлар жамоамиз футболчиларига таъсир қилди”

Про-лига 25-туридан ўрин олган “Истиқлол” - “Хоразм” (5:0) учрашувидан сўнг меҳмонлар бош мураббийи Александр Ежов “championat.asia” сайтига интервью берди.

Барча кўриб гувоҳ бўлди, биз биринчи бўлимда кучлироқ ўйин кўрсатдик, тўпни 60-70% даражада ўз назоратимизга олдик. Яратилган вазиятлардан фойдалана олмадик, умуман айтганда биздан омад юз ўгирди. Кетма-кет 3 турдан бери мағлубиятга учрадик, бу жамоамиз футболчиларини руҳиятига таъсир қилгани бугун яққол сезилди.Бугунги мағлубиятда барча айбни ўз зиммамга оламан, сабаби жамоани етарлича руҳий томондан тайёрлай олмадим шекилли. “Истиқлол” жамоасини ғалаба билан табриклайман, кейинги учрашувларда омад! Таркибимизда иқтидорли футболчилар кўп, биз ҳали ўз устимизда ишлаймиз, насиб этса кейинги учрашувларда ғалаб қозониб, жамоамиз мухлисларини хурсанд қиламиз деган умиддаман.

Бекзод Толибов ёзиб олди.