Акбар Усмонов: "Кучли жамоаларга қарши ўйнаш бизнинг ўсишимизга сабаб бўлади"

Йиғин давомида учта ўртоқлик учрашуви ҳам ўтказилди. Мазкур йиғинни якунлаб юртимизга қайтиб келишганидан сўнг терма жамоа етакчиси Акбар Усмонов фикрларига қулоқ тутдик.

"Умуман олганда Хорватия шаҳри бизда илиқ таассурот қолдирди. Мазкур ўқув-йиғинимиз ҳам ажойиб ўтди. Европада тайёргарлик барибир бошқача бўлади. Ўтказилган ўртоқлик учрашувиларидаги хатоларимиздан тўғри хулосалар чиқардик. Ушбу хатолар устида кўпроқ машғулотларда ишлаб, камчиликларни камайтирган ҳолда Осиё чемпионати саралашига яхши спорт формада ташриф буюрамиз.

Франция терма жамоаси рейтинг жиҳатидан юқори ўринларда бўлмаса-да, ўзига яраша кучли, албатта. Кўриндики, терма жамоадаги барча футзалчилар юқори индивидуал техникага эга. Уларга қарши ўйнаш ҳам мароқли бўлди. Шахсан мен учун ҳам кучли жамоаларга қарши ўйнаш ёқади.

Ўйлайманки, биз мана шундай терма жамоаларга қарши ўйнашимиз фойдали. Кучли рақибларга қарши ўйнаб, хатоларни кўриб оламиз, ўсиш кузатилади.

Мавсумни деярли ярми ўтиб бўлди. Ҳозирча тўпурарлар орасида 1-ўринда бормоқдаман. Бу эса ёқимли, албатта. Қолган баҳсларда ҳам голлар уриб, жамоамга ёрдам бермоқчиман. "Локомотив" ҳозирча 3-ўринга тушиб қолди. Чемпионлик учун охиригача курашамиз ва таслим бўлмаймиз. Шахсий кўрсакичларимга келсам, Худо хоҳласа, 65 тага яқин гол уришни ният қилганман", - дея сўзини якунлади Усмонов.