Акбар Тўраев: "Асосий вазифамиз ОЧЛ гуруҳ босқичига чиқиш"
08 янв 2016 15:10
Янгиликлар

Акбар Тўраев: "Асосий вазифамиз ОЧЛ гуруҳ босқичига чиқиш"

Кеча “Бунёдкор” академиясига қарашли майдонда “Бунёдкор” ҳамда “Қўқон – 1912” (1:0) жамоалари ўзаро ўртоқлик ўйинини ўтказишди.

Биз “Бунёдкор” дарвозабони Акбар Тўраевдан мавсумга тайёргарлик ҳақида интервью олдик.

- Мавсумга қай даражада тайёргарлик кўряпсизлар?
- Бугун 2016 йилги илк назорат ўйинимиз бўлди, футболчилар яхши ҳаракат қилишди деб ўйлайман. Ўртоқлик ўйинларида натижа биринчи ўринда турмайди, биз учун жисмоний тайёргарлик муҳим. Ҳозир ҳамма футболчилар машғулотларда катта юкламалар оляпти, шу билан ўйин ўтказяпмиз. Энг асосийси жисмоний ҳолатимизни тиклаб олиш.

- ОЧЛда плей–оффга қай даражада тайёргарлик кўряпсизлар?
- ОЧЛга 14 декабрдан тайёргарликни бошлаганмиз, 28 декабргача жисмоний тайёргарлик машқларини олиб бордик. Секин–секин тўплар билан машғулотлар ўтказяпмиз. Ҳозирча ҳаммаси режа асосида кетяпти.

- Раҳбарият ОЧЛда қандай вазифаларни қўйган?
- Ҳозирги биринчи мақсадимиз плей–офф босқичидан чиқиш. Гуруҳ босқичига ўтканимиздан сўнг гуруҳдан чиқиш иккинчи вазифамиз.

- Режада хориж йиғини ҳам жой олган. У ерда кўпроқ нималарга эътибор қаратасизлар?
- Хорижда январнинг иккинчи ярмидан бошлаб йиғин ўтказамиз. Хорижда ўртоқлик ўйини ўтказиш учун Россия, Корея ва Хитой жамоалари билан музокаралар олиб бориляпти. Ушбу ўртоқлик ўйинлари ОЧЛ плей–офф босқичи учун оптимал таркибни аниқлаб олишга тайёргарлик вазифасини ўтаб беради.

Жаҳонгир Сотволдиев суҳбатлашди

Ҳавола :

Манба : championat.asia

Янгиликларни Телеграмда ўқинг!

Рейтинг: +4