Агуэро кўз ёшларини тийиб тура олмади...
30 май 2021 08:47
Янгиликлар

Агуэро кўз ёшларини тийиб тура олмади...

“Манчестер Сити” ҳужумчиси Серихо Агуэро Европа чемпионлари лигаси финалида жамоасининг “Челси”га (0:1) учраган мағлубиятидан кейин кўз ёшлирини тийиб тура олмади.

Аргентиналик футболчи финал беллашувини захирада бошлаган бўлсада, 77-дақиқадан бошлаб майдонда ҳаракат қила бошлади.

ЕЧЛ 2020/21 финал беллашуви Порт шаҳридаги “Драгау” стадионида ўтказилиб, унда 1:0 ҳисобида "Челси” ғолиб чиқди. Лондонликлар иккинчи марта ушбу турнирда бош совринга эга чиққан бўлишса, “Сити” ўз тарихида илк марта финалда тўп тепди.

Агуэронинг “Манчестер Сити” билан шартномаси ёзда ниҳоясига етади. Клуб 2011 йилдан буён жамоа шарафини ҳимоя қилиб келаётган футболчи билан келишувни узайтирмасликка қарор қилди. Агуэро “шаҳарликлар” таркибида беш бор Англия чемпиони ва кубоги, уч марта Англия Суперкубоги ва олти марта Англия Лига кубогида ғолиб чиққан.