АГМКдан навбатдаги трансфер

"АГМК жамоаси давралар оралиғида таркибни кучайтириш учун селекция ишларини олиб бормоқда.

Трансфер ойнаси очилганидан унумли фойдаланаётган жамоамиз таркибга янги футболчиларни қўшиб олишда давом этади.

Навбатдаги трансфер эса легионер футболчи, черногориялик марказий ҳимоячи Игорь Зонич бўлди.

Фаолияти давомида Сербия, Черногория ва Малайзия чемпионатларида ўйнаган черногориялик марказий ҳимоячи Игорь Зонич билан клубимиз йил сўнггига қадар шартнома имзолади. Маҳоратли ҳимоячи эндиликда фаолиятини АГМК жамоаси билан боғлади.

Игорь Зонич ҳимоя қурғонимиз мустаҳкамланишида ўз ҳиссасини қўшишига ишонган ҳолда АГМК жамоасига хуш келибсан деймиз! 

#AGMK #OKMK #BizBuBiz", - дейилади АГМК клубининг телеграмдаги расмий каналида.

Маълумот ўрнида:

Игорь Зонич

Туғилган санаси: 16.10.1991

Позицияси: марказий ҳимоячи

Миллати: Черногория

Бўйи: 186

Оёғи: ўнг 

Ўйнаган жамоалари: "Партизан", "Банат Зренянин", "Телеоптик Земун", "Младост Лучани", "Напредак", "Безания", "Сутеска", "Рад Београд", "Теренггану", АГМК