А ПРО-Лига. "Шердор" Фарғонада йирик ҳисобда мағлубиятга учради
13 окт 2019 21:48
Янгиликлар

А ПРО-Лига. "Шердор" Фарғонада йирик ҳисобда мағлубиятга учради

А ПРО-Лиганинг 24-тур учрашувлари доирасида "Истиқлол" Қиргулидаги "Нефтчи" спорт мажмуасида "Шердор"ни қабул қилди.

Учрашувнинг дастлабки дақиқалариданоқ ҳужум ташкил этган фарғоналиклар 2-дақиқадаёқ тезкор гол киритишни уддасидан чиқдилар.

Бу вазиятда Элёр Мамасолиев "Истиқол"нинг дастлабки голига муаллифлик қилди.

Биринчи бўлим 21-дақиқасида мезбонлар "Шердор" дарвозасига иккинчи голни киритдилар. "Истиқлол" ярим ҳимоячиси Сардорбек Сотволдиев томонидан ижро этилган бурчак зарбасини Улуғбек Худайбердиев голга айлантирди - 2:0.

Шундан сўнг "Шердор" жамоаси вакиллари ўз ўйинларини бир оз кучайтиришди.Самарқандликларнинг жамовий ўйин эвазига ташкил этган бир нечта ҳужумларида вазиятни якунлашда ҳужумчиларга тажрибасизлик панд берди.

Биринчи бўлим сўнгига қадар дарвозаларга бошқа гол киритилмади.

Иккинчи бўлимни ҳар икки жамоа вакиллари фаол бошладилар.

Бўлим ўрталарига қадар жамоалар томонидан ташкил этилаётган кўплаб ҳужумлар самара келтирмади.

62-дақиқада заҳирадан ўйинга қўшилган меҳмонлар футболчиси Файзулло Жуманқўзиев "Шердор" дарвозасига жамоасига гол киритди - 3:0. Орадан 4 дақиқа ўтиб Анваржон Ҳожимирзаев белгиланган пенальтини аниқ амалга ошириб, самарқандликлар дарвозасини ишғол этди - 4:0.

Учрашувга ҳакам томонидан қўшиб берилган дақиқаларда мезбонлар ярим ҳимоячиси Рустамжон Абдуҳамидов тезкорлик эвазига "Шердор" дарвозасига гол киритди - 5:0.

Қизиқарли кечган баҳс шу тариқа "Истиқлол" жамоасининг йирик 5:0 ҳисобидаги ғалабаси билан якунига етди.

А ПРО-Лига. 24-тур
"Истиқлол" - "Шердор" 5:0 (2:0)
Ҳакамлар: Аскер Нажафалиев, Ҳусан Набиев, Отабек Қосимов
Назоратчи: Маъмур Саидқосимов
Комиссар: Сардор Қудратуллаев
Голлар: Элёр Мамасолиев, 2 (1:0), Улуғбек Худайбердиев, 21 (2:0), Файзулло Жуманқўзиев, 62 (3:0), Анваржон Ҳожимирзаев, 66-пен.(4:0), Рустамжон Абдуҳамидов, 90+2 (5:0)
«Истиқлол»: Нодир Ашурматов, Фаррухжон Иброхимов, Абдухолиқ Қурбонов, Сардор Сотволдиев, Рустам Абдухамидов, Анваржон Ҳожимирзаев, Улуғбек Худайбердиев, Элёр Мамасолиев, Сардор Тельяков, Айбек Нурбаев, Тимур Маматмуродов.
Заҳира: Тимур Усмонов, Риза Айвазов, Элёр Акбаров, Шохрух Бойқўзиев, Файзулло Жуманқўзиев, Хушнудбек Бозоров, 70. Бобурбек Эргашев.
"Шердор": Амиржон Нарзиқулов, Фарзин Мухторов, Асадбек Толипов, Асилжон Орипов, Марадона Сафаров, Фахриддин Алимов, Жаҳонгир Сайдуллаев, Фарҳоджон Сафаров, Ойбек Жўраев, Соҳиб Махмудов, Шахзоджон Равупов.
Заҳира: Шахзод Раимов, Мирзо Ахмедов, Муроджон Шамсиддинов