"Real Madrid" – RB "Leyptsig" 2:0
"Santyago Bernabeu" stadioni
Gollar: 1:0 – 80 Valverde, 2:0 – 90 Asensio.
"Real Madrid" – Kurtua, Karvaxal, Nacho, Ryudiger, Alaba (Mendi, 81), Modrich (Kroos, 81), Tchuameni, Kamavinga (Asensio, 64), Valverde, Vinisius Junior (Sebalos, 85), Rodrigo (Mariano Dias, 85).
RB "Leyptsig" – Gulachi, Simakan (Xenrixs, 75), Orban, Diallo, Raum, Forsberg (Poulsen, 81), Shlager, Aydara (Kampl, 75), Soboslai, Verner (Andre Silva, 81), Nkunku.
Ogohlantirishlar: Aydara (73), Nkunku (82), Karvaxal (84), Shlager (90).
Ushbu sahifada uchrashuvning matnli translyatsiyasini kuzatib borishingiz mumkin bo'ldi.
90+4-daqiqa. Bo'ldi, hakamning final hushtagi yangradi va bu mavsum hali ochko yo'qotmagan "Real" yana g'alaba qozondi.
"Real" amalda uch ochkoni naqd qildi.
90+1-daqiqa. GOOOOOOLASOO! Marko Asensiodan juda chiroyli gol guvohi bo'ldik - 2:0.
90-daqiqa. Ogohlantirish! Ksaver Shlager Mendini quchoqlab olgani uchun kartochka ishlab oldi.
90-daqiqa. O'yinning asosiy vaqtiga 4 daqiqa qo'shib berildi.
Standart vaziyatdan esa germaniyaliklar bu safar ham naf chiqara olishmadi.
88-daqiqa. Nkunku jarima maydonchasiga kiraverishdan kuchli zarba berdi, to'p yo'liga Karvaxal to'g'anoq bo'ldi. Burchak zarbasi.
85-daqiqa. O'zgarishlar! Rodrigo va Vinisius o'rniga Sebalos hamda Mariano Dias maydonga tushdi.
84-daqiqa. Ogohlantirish! Dani Karvaxal.
82-daqiqa. O'zgarishlar! Luka Modrich va David Alaba o'rniga Toni Kroos hamda Ferlan Mendi.
80-daqiqa. GOOOOOOOL! Fede Valverde Vinisiusning uzatmasidan keyin chap oyoqda zarba berib, darvozaning uzoq pastki burchagini nishonga oldi.
75-daqiqa. O'zgarishlar! Diavara va Simakan ketdi, Kampl va Benjamin Xenriks o'yinga qo'shildi.
73-daqiqa. Ogohlantirish! Amadu Aydara Vinisiusga nisbatan harakati uchun kartochka ishlab oldi.
72-daqiqa. Tezkor qarshi hujum. Valverde, Vinni, Asensio... Biroq hech biri to'pni darvozaga aniq yo'llay olmadi.
65-daqiqa. Tchuameni bilan havodagi kurashdan keyin Xaydaraga yordam ko'rsatish zarur bo'lmoqda. O'yinda "pauza".
64-daqiqa. O'zgarish! Eduardu Kamavinga o'rnini Marko Asensioga bo'shatib berdi.
62-daqiqa. Rodrigo o'ziga nisbatan fol uchun belgilangan jarima zarbasini amalga oshirdi, ammo juda noaniq.
60-daqiqa. "Real" ko'p hujum qilayotganiga qaramay, hozircha raqib darvoza tomon yo'l topa olmadi.
57-daqiqa. Karvaxal Nkunkuga nisbatan fol ishlatdi.
48-daqiqa. "Real" ikkinchi bo'limni ancha yuqori tempda boshladi.
46-daqiqa. Ikkinchi bo'lim boshlandi!
45-daqiqa. Hakam birinchi bo'limning asosiy vaqtiga umuman daqiqalar qo'shmaslikka qaror qildi. Tanaffus!
43-daqiqa. Shlager bir qarashda Luka Modrichning ustiga chiqib ketay dedi, lekin hakam bu fol emasligi va penalti bermasligini ma'lum qildi.
41-daqiqa. Luka Modrich "zamaxda" raqib himoyachisini chalg'itib, chap oyoqda zarba berdi, xavfli, lekin bu safar ham noaniq.
38-daqiqa. Burchak zarbasida hujumga kelib, hali ortga qaytib ulgurmagan Ryudiger bosh bilan zarba yo'lladi, ammo noaniq.
34-daqiqa. Xavfli vaziyat! Timo Verner to'pni Nkunkuning yo'liga tashlab bergandi, ammo Kristofer qanchalik urinmasin, uni darvozaga to'g'rilab yubora olmadi.
33-daqiqa. Mehmon futbolchilar to'pni o'z nazoratlarida ushlab turishibdi.
30-daqiqa. Timo Verner qarshi hujumni aniq zarba bilan yakunladi, ammo bu urinish Tiboga ortiqcha muammo tug'dirmadi.
28-daqiqa. Yana Nkunku raqib darvozasiga xavf solishga urindi. Unga imkon qoldirmaslikka harakat qilgan Tchuameni Kurtua bilan to'qnashib ketdi. Posbon o'ziga kelib olishi kerak.
24-daqiqa. Nkunku Karvaxaldan to'pni olib qo'ygandi, xavfli vaziyat yuzaga kelishi mumkin edi, biroq hakam fransiyalik futbolchi qoidani buzdi deb topdi.
21-daqiqa. Vernerning uzatmasidan keyin Forsberg zarba yo'lladi, lekin noaniq.
19-daqiqa. "Leyptsig"ning hujumi o'ng qanotdan rivojlandi va to'p jarima maydonchasiga yo'naltirildi, ammo Karvaxal xavfni bartaraf etdi.
18-daqiqa. Tchuamenidan ajoyib "podkat".
15-daqiqa. Fede Valverde tepgan to'p himoyachiga tegib, maydonni tark etdi. Burchak zarbasidan keyin Rodrigo zarba uchun imkon topdi, ammo noaniq.
10-daqiqa. Shlager keskinlikni yo'qqa chiqarish maqsadida to'pni uzoqlashtirdi.
8-daqiqa. "Real" to'pni nazorat qilib turibdi.
6-daqiqa. Nkunku kutilmaganda zarba uchun qulay nuqtaga chiqib bordi va zarba berdi, Kurtua o'z o'rnida.
1-daqiqa. O'yin boshlandi!
