26 февраль куни Яйпанда Ўзбекистон Суперкубоги олдидан матбуот анжумани ўтказилади

27 февраль санасида Яйпандаги “Ўзбекистон” стадионида Суперкубок учрашуви бўлиб ўтади ва унда амалдаги чемпион “Пахтакор” мамлакат кубоги соҳиби “Насаф”га қарши баҳс олиб боради.

Суперкубок ўйини 27 февраль куни соат 16:00 да старт олади. Ундан бир кун аввал эса ўйинолди расмий тадбирлар ўтказилиши кўзда тутилган.

Хусусан, 26 февраль куни соат 16:00 да номинал меҳмон – “Насаф” “Ўзбекистон” стадионида расмий машғулотини ўтказади. Соат 17:00 да эса номинал мезбон – “Пахтакор” машғулот олиб боради. Машғулотларнинг дастлабки чорак соати ОАВ вакиллари учун очиқ тарзда ўтади.

Ўйинолди матбуот анжуманлари ҳам “Ўзбекистон” стадионида ташкил этилади. “Насаф” бош мураббийи ва 2 нафар етакчи футболчиси иштирокидаги матбуот анжумани соат 17:15 да ўтказилса, “Пахтакор” устози ва етакчи ўйинчилари иштирокидаги матбуот анжумани соат 18:15 да бўлиб ўтади. Матбуот анжуманлари жонли эфирда намойиш этилади.

Барча турдаги ОАВ вакилларини Яйпандаги учрашув тафсилотларини яқиндан ёритиб боришга чорлаймиз", - деб ёзади ПФЛ расмий сайти.