Бу сафарги мусобақа олдингиларидан тубдан фарқ қилади. Биринчи Америка кубоги 1916 йил ўтказилган. Бу йил ушбу мусобақага 100 йил тўлгани учун КОНМЕБОЛ ва КОНКАКАФ минтақалари бирлашган ҳолда "Марказий Копа Америка" мусобақасини ўтказишади.
Унда Шимолий ва Жанубий Американинг энг кучли 16та терма жамоаси қатнашади. АҚШнинг 10та шаҳрида бўлиб ўтадиган қитъа чемпионатининг финал босқичига 21 февраль куни қуръа ташланади.
Қуръа жараёнида 16та жамоа 4та саватчага ажратилиб чиқилади. Бир саватчадан ўрин олган жамоалар гуруҳ босқичида тўқнаш келишмайди. Мезбон АҚШ автоматик тарзда биринчи саватчада бўлади ва "A" гуруҳидан ўрин олади.
Биринчи саватча: АҚШ, Аргентина, Бразилия, Мексика
Иккинчи саватча: Чили, Колумбия, Уругвай, Эквадор
Учинчи саватча: Коста Рика, Ямайка, Панама, Гаити
Тўртинчи саватча: Парагвай, Перу, Боливия, Венесуэла
