Сергей Арсланов "Сурхон"дан нима учун кетди? Мураббий барчасини айтди

Биз Сергей Арсланов билан алоқага чиқдик ва мураббийнинг фикри билан қизиқдик: 

- "Сурхон"дан кетди деган хабар чиқди. Бу қанчалик рост? 

- Ҳа, "Сурхон" клубидан кетганим рост. Кеча клуб билан хайрлашдим. 

- Бунга нима сабаб бўлганини айта оласизми? 

- Клуб раҳбарияти шундай қарорга келди. Уни муҳокама қилишни истамадим. 

- Ахир 23 декабрь куни сиз билан шартнома узайтирилгани ҳақида хабар чиққанди.

- Ҳа, шартнома узайтирилгани рост. Энди уни бекор қилиш бўйича музокара ўтказамиз. 

- Эшитишимизга қараганда, сизда ўтган мавсумдан кейин бир қатор таклифлар бўлганди. Ҳозир эса мавсум деярли бошланмоқда ва клуб сиз билан хайрлашишга қарор қилди. Бу сизни хафа қилмадими? 

- Биласизми, менга кўпроқ "Сурхон"дек клубни тарк этаётганим алам қилди. Биз бир оилага айланиб бўлгандик. Раҳбариятнинг қарорини эса муҳокама қилмоқчи эмасман. Таклифларга келсак, ҳа, улар бор эди. 

Нарзулла суҳбатлашди