Суперкубок учрашувига ОАВ вакилларининг кириш тартиби хусусида

Мамлакат чемпиони “Локомотив” ҳамда Ўзбекистон кубогининг амалдаги соҳиби АГМК жамоалари ўртасида кечадиган Суперкубок ўйини пойтахтдаги “Пахтакор” стадионида бўлиб ўтади ва 16:00 да старт олади. Қайд этиш жоиз, учрашув “Спорт” телеканали орқали тўғридан-тўғри эфирда намойиш этилади.

Мазкур учрашувга ташриф буюриш ниятида бўлган ОАВ ходимлари 2018 йилги мавсумдаги аккредитацион карталари билан стадионга ташриф буюришлари мумкин. Шунингдек, ўтган мавсумда ПФЛда аккредитациядан ўтмаган, бироқ Суперкубок баҳсини бевосита стадиондан ёритишни истаган ОАВ вакилларига эса бир марталик аккредитацион карталар тақдим этилади. Бунинг учун ПФЛ электрон почтаси (info@pfl.uz)га 22 февраль 17:00га қадар ўз исм-фамилиянгиз ва фаолият олиб борадиган нашрингиз номини ёзиб юборсангиз етарли.  

Бир марталик аккредитацион карталар ўйинолди матбуот анжумани пайтида тақдим этилади. 2018 йилда аккредитация олган журналистлар эса “Пахтакор” стадионига ўзларида мавжуд аккредитацион карталар билан киришлари мумкин бўлади.