Шусуке Фуруя: "Саудияга қарши ўйин мен учун биринчиси эди. Ўзбекистонликлар паслар орқали ўйинни яхши назорат қиладиган жамоа"
26 июл 14:11
Янгиликлар

Шусуке Фуруя: "Саудияга қарши ўйин мен учун биринчиси эди. Ўзбекистонликлар паслар орқали ўйинни яхши назорат қиладиган жамоа"

Мираброр Усмонов хотира турнири доирасида Саудия Арабистони U-23 ҳамда Япония U-23 (1:5) учрашувидан сўнг японияликлар ҳужумчиси Шусуке Фуруя ўз фикрлари билан ўртоқлашди.

"Ўзгача ҳайрат оғушидаман. Сабаби бугунги ўйин мен учун биринчиси эди, шунинг учун бироз асабийлашдим ва ўйиним ўзим кутгандек бўлмади. Аммо танаффусдан сўнг иккинчи бўлимда ўз суръатимни топиб, кўплаб яхши вазиятлар ярата олдим деб ўйлайман. Олдинда яна бир ўйин бор, шу боис, жамоага кўпроқ мослашиб, дадилроқ ҳаракат қилишни хоҳлардим.

Кейинги ўйин Ўзбекистонга қарши бўлади. Ўзбекистонликлар паслар орқали ўйинни яхши назорат қиладиган жамоа ҳисобланади, шунинг учун биз прессинг қилишимиз, шу билан бирга мустаҳкам ҳимояланишимиз керак. Қолаверса, тўпни йўқотмаслигимиз муҳим аҳамиятга эга. Кейинги икки кун давомида кучли меҳнат қилиш ва яхшилаб тайёргарлик кўришимиз керак", деди Фуруя.

Эслатиб ўтамиз, Ўзбекистон ва Япония ўртасидаги учрашув 28 июль куни бўлиб ўтади.