"Андижон" нигериялик ҳужумчи билан шартнома имзолади

"Танишинг: жамоамизнинг янги ҳужумчиси – Исмаил Акинаде!

Маълумот учун, Акинаде 1994 йилнинг 11 февраль санасида Нигерияда таваллуд топган. У марказий ҳужумчи позициясида тўп суради.

Охирги клуби Малайзиянинг «Теренгану» жамоаси ҳисобланади.

Ҳужумчи фаолияти мобайнида 295 та учрашув майдонга тушиб рақиблар дарвозасига 80 та гол урган ва 47 та голли пасни узатган.

Исмаил, «Андижон»нинг аҳил оиласига хуш келибсан!", — дейилади клуб хабарида.