Рустам Абдуҳамидов: "Бошқа жамоаларнинг натижалари аҳамиятсиз"
11 окт 2018 21:01
Янгиликлар

Рустам Абдуҳамидов: "Бошқа жамоаларнинг натижалари аҳамиятсиз"

ПРО-лига 29-туридан ўрин олган “Истиқлол” - “Сурхон” (2:1) учрашувидан сўнг мезбонлар ярим ҳимоячиси Рустам Абдухамидов championat.asia сайтига интервью берди.

Бугун учрашувни яхши бошладик. Рақиб дарвозасига киритилган голдан сўнг бир оз ҳимоявий ўйин ташкил этдик. Иккинчи бўлим ҳам худди шу кўринишда кечди, бўлим бошида гол урдик ва яна рақиб босимидан келиб чиқиб ҳимоявий ўйин кўрсатдик. “Сурхон” жамоаси дарвозамизга гол киритгандан сўнг иккинчи бўлимнинг сўнги дақиқалари жуда оғир ўтди. Якунда ғалаба қозонганимиздан жудаям хурсандман.

Жамаоамиз олдида Суперлигага чиқиш вазифаси турибди. Биз ўз ўйинларимизни ютишга ҳаракат қилаяпмиз, бошқа жамоалар кўрсатаётган натижалар аҳамиятсиз. Ўз ўйинимизда ғолиб бўлсак бўлди, қолган барчаси ўзи келади. “Истиқлол” жамоаси фақат ва фақат олдинга интилади.

Бекзод Толибов ёзиб олди.

“Истиқлол” матбуот хизмати билан хамкорликда тайёрланди.