Виллиамс до Насименто: “Биз муносиб рақибга қарши баҳс олиб бордик”

Кескин бўлган ўйинда томонлар муроса йўлини танлашди (3:3). Учрашувдан сўнг Озарбойжон термаси футзалчиси Виллиамс до Насименто ўз фикрлари билан ўртоқлашди.

“Кеча биз тайёргарликдаги илк ўртоқлик учрашувимизни ўтказдик. Ўйин биз кутгандан ҳам қийин тус олди. Кўплаб голли вазиятлардан фойдалана ололмадик. Ўзбекистон терма жамоасида жуда кўплаб маҳоратли футзалчилар жамланган экан, мураббий ҳам испаниялик. Озарбойжон термасида ҳам маҳоратли футзалчилар етарлича. Менимча биз муносиб рақибга қарши баҳс олиб бордик. Албатта Озарбойжон терма жамоасида маҳаллийлаштирилган футзалчилар жамланган. Куни кеча юртингизга келиб жойлашдик ва эртаси куни ўртоқлик учрашувини ўтказдик. Тошкент шаҳрини томоша қилиш учун бизда вақт бўлмади. Бу ерга келганимиздан хурсандмиз”, - дейди Озарбойжон терма жамоаси футзалчиси Виллиамс до Насименто.

Жаҳонгир Сотволдиев