RU

Последние новости

01:56А Серия. "Милан", "Ювентус" ва "Наполи" ишончли ғалабага эришди, "Аталанта" эса ўз уйида "Лечче"ни енга олмади  3 01:20Рўзиқул Бердиев: "Ҳужумкор ўйин намойиш этиб, чиройли ғалабага эришдик"  2 00:24Элит ОЧЛ. "Кавасаки Фронтале" қўшимча бўлимларда "Ал Садд"ни мағлуб этиб, Саудия Арабистони жамоаларидан иборат бўлган ярим финал босқичига йўл олди  10 23:54Гвардиола яна Англия Кубоги тўпини танқид қилди: "Иккала жамоага ҳам уни назорат қилиш қийин бўлди. У жуда тез"  0 23:12Педру Морейра: "Ҳозирги вақтда бизга фақатгина очколар сони муҳим"  2 23:06РПЛ. "Рубин" Руслан Безруковнинг дубли эвазига иккинчи бўлимда ўн киши бўлиб қолган "Факел"ни мағлуб этди, Ашурматов захирада қолдирилди  0 23:01Туркия Суперлигаси. "Ризеспор" меҳмонда минимал ҳисобда имкониятни бой берди, Алиқулов тўлиқ ўйнади  6 22:56Озарбайжон чемпионати. "Сабаҳ" ўз уйида "Қорабоғ" билан дуранг ўйнади, Раҳмоналиев захирада қолдирилди  0 22:40Суперлига. "Насаф" ва "Навбаҳор" йирик ҳисобда ғалаба қозонди, "Шўртан" эса 10 киши бўлиб қолган "Пахтакор"га гол ура олмади  0 22:30Англия кубоги. "Манчестер Сити" "Ноттингем Форест"ни мағлуб этиб, финалга йўл олди. Бош соврин учун рақиб — "Кристал Пэлас"  39 22:24"Ливерпуль" — АПЛ чемпиони!  37 22:10Суперлига. "Насаф" "Қизилқум"ни йирик ҳисобда мағлуб этди ва мусобақа жадвалининг 1-ўрнига кўтарилиб олди  24 21:51Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди"  0 21:40Анвар Бердиев: "Футболчиларимизда ўзига бўлган ишонч етишмади"  0 21:21Фарҳод Нишонов "Локомотив"га қарши ўйиндан кейин: "Ғалабага ҳақли эдик, бошқа вазиятларимиздан фойдаланганимизда ҳисоб йириклашиб кетарди"   2

Умид Исоқов ўзбек “Эл Классико”сида “Пахтакор”нинг ғалабасини тахмин қилмоқда Новости

Умид Исоқов ўзбек “Эл Классико”сида “Пахтакор”нинг ғалабасини тахмин қилмоқда

Теги :  Умид Исоқов
Бугун олий лиганинг 25-тур ўйинлари бўлиб ўтади. Бўлажак учрашувлар олдидан собиқ ҳужумчи Умид Исоқовнинг фикрларини билишга қизиқдик.

Мухлислар яхши билса керак, ушбу тажрибали ҳужумчи ўз вақтида “Нефтчи” – “Пахтакор” қарама-қаршилигида кўп маротаба майдонга чиққан. Шунинг учун у билан суҳбатимизни айнан шундан бошламоқчи бўлдик. Исоқов эса ҳазиломуз тарзда, ўйинлар олдидан башорат қилгани қийналишини, сўнгги пайтларда кутилмаган ҳисоблар қайд этилаётганини таъкидлаб ўтди ва ҳар бир баҳсга қисқача тўхталди.
 
“Металлург” – “Насаф”
Мазкур баҳсда менимча меҳмонлар зафар қучса керак. Чунки “Насаф”да ўйин яхши шакллантирилгани кўриниб турибди. Тўғри, бекободликлар ҳам осонликча таслим бўлмаслиги аниқ. Аммо барибир “аждарлар” ютса керак деб ўйлайман.

“Нефтчи” – “Пахтакор”
Шубҳасиз турнинг марказий учрашувидир. Мазкур баҳсда мухлислар кескин курашларни кўрса ажаб эмас. “Пахтакор”нинг ўйинларини кузатдим. Уларда таркиб анчагина ёшартирилган. Ўйин-услуб ҳам яхши йўлга қўйилган. Маҳорат эвазига ҳам “шерлар” бугун Фарғонадан уч очко билан қайтиши мумкин деб ўйлайман. “Нефтчи”нинг ҳам ўйинларини кўрдим. Жамоа ёмон эмас. Лекин вазиятга реал баҳо берадиган бўлсак, “Пахтакор” барибир кучли. Буни турнир жадвалидаги холат ҳам айтиб турибди. Илгари “Нефтчи” таркибида “Пахтакор”га қарши кўп ўйнаганман. Учрашувдан икки кун олдин мураббийлар бизларни қароргоҳдан чиқармасдан, ўйинга тайёрларди. Менимча “Пахтакор”дан ҳам кўра кўпроқ “Нефтчи” – “Навбаҳор” қарама-қаршилиги қизиқроқ ва томошабоп тарзда ўтарди.

“Машъал” – “Бунёдкор”
Муборакликларнинг ўйинига тушуниб бўлмаяпти. Бир қарасанг сафардан очко билан қайтмоқда. Баъзида эса ўз майдонида имкониятни бой бермоқда. Уларнинг бугунги рақиби “Бунёдкор”нинг ўйинларини кўрдим, таркибида маҳоратли ўйинчилар талайгина экани кўриниб турибди. “Қалдирғочлар”нинг бронза медалига бўлган имконияти ҳамон сақланиб турганини инобатга олиб айтадиган бўлсак, менимча улар бугун камида кичик ҳисобда ғалаба билан қайтади.

“Локомотив” – “Олмалиқ”
Тошкентдаги ўйинда сўзсиз майдон эгалари зафар қучади деб ўйлайман. “Темирйўлчилар” ўтган турда Андижондан ўзлари учун ижобий натижа билан қайтганди. Бу эса уларга бугунги ўйин олдидан руҳан устунлик бериши турган гап. Боз устига “Локомотив” чемпионликка сари харакат қилмоқда. Бундай пайтда ўз уйида мағлуб бўлмасликка уринади.

“Навбаҳор” – “Андижон”

Эртага Наманганда водий дербиси жуда қизиқарли ўтса ажаб эмас. Бу каби ўйинларда жамоаларнинг турнир жадвалидаги ўрни катта аҳамият касб этмайди. Ҳар икки жамоага ҳам очко сув ва ҳаводек зарур. Наманганлик мухлислар жамоасининг ғалабасини соғиниб қолишди. Анчадан буён “Лочинлар” ютмай қўйди. “Андижон” эса олий лигада қолиш учун курашмоқда. Улар ҳам ғалаба учун борини бериши турган гап. Менимча катта эхтимол билан дербида мезбонларга омад кулиб боқади.

“Сўғдиёна” – “Динамо”
Турнир жадвалида икки ёнма-ён ўрин эгаллаб турган жамоалар ўртасида кечадиган баҳсда кимнинг қўли баланд келишини олдиндан айтиш қийин. Бу қайсидир маънода устоз ва шогирднинг тўқнашуви ҳамдир. Самарқандликлар ўтган сафар уйида мағлуб бўлиб, қимматли очколарни бой берганди. Энди улар шуни Жиззахда қайтариб олиш учун ҳам астойдил уринади. Лекин “Сўғдиёна”га ҳам очко жуда зарур. Ҳар икки клубда ҳам бир хил вазият. Менимча дуранг қайд этилса керак.

“Шўртан” – “Қўқон-1912”
Ғузорликлар аутсайдерлар қаторини тарк этиб улгурди. Уларнинг олий лигада қолиши деярли аниқ бўлиб улгурди. “Қўқон-1912” билан баҳсда менимча дуранг бўлиши мумкин.

“Қизилқум” – “Бухоро”
Навоийликлар ўтган турда Қўқондан мағлуб бўлиб кетганди. Бу сафар энди ўз майдонида мухлисларини ғалаба билан хурсанд қилиши мумкин. Лекин шуни ҳам унутмаслик кеаркки, “Бухоро” гарчи турнир жадвалида сўнгги ўринларда бораётган бўлсада, деярли ютишни бошлади. Адашмасам сўнгги 2-3 ўйиндан бери бухороликлар ғалаба қозонмоқда. Агарда эртанги баҳсда ҳам астойдил харакат қилса, улар ютиши мумкин.


Исломбек Рустамбеков.

Рейтинг: -3   

Комментарии

championat.asia
< посмотреть последние новости
Яндекс.Метрика