Расман: ОЧЛ 2 арафасида "Андижон"ни легионер футболчилардан бири тарк этди
02 сен 23:25
Новости

Расман: ОЧЛ 2 арафасида "Андижон"ни легионер футболчилардан бири тарк этди

Клуб бу ҳақда расман эълон қилди.

"Андижон" клуби футболчи Алтин Крезиу жамоани тарк этганини маълум қилди.

"Алтин Крезиу жамоамиз билан хайрлашди
Мавсум бошида “Андижон” сафига қўшилган словениялик 23 ёшли ярим ҳимоячи Алтин Крезиу жамоамиз билан хайрлашганини маълум қиламиз.
Айтиш лозимки, ҳар икки томоннинг ўзаро келишувига кўра амалдаги шартнома бекор қилинди.
Крезиу “Андижон” таркибида 19 та ўйинда майдонга тушиб, 1 та гол урди ва 4 та голли узатмани амалга оширди.
Алтинга жамоамиздаги фаолияти учун миннатдорчилик билдирамиз ҳамда унинг кейинги фаолиятига омад тилаймиз!", -дейилади клуб баёнотида.

Маълумот учун, 17 сентябрь куни "Андижон" клуби меҳмонда "Арқадағ"га қарши ўйин билан ОЧЛ 2 даги юришини бошлайди. Ўзбекистонда эса ёзги трансфер ойнаси аллақачон ёпилган.

Ссылка :

Источник : "Андижон" клуби матбуот хизмати

Получайте новости прямо в Telegram!

Рейтинг: +1