Осиё Кубоги-2019. Ўзбекистон - Уммон ўйинидан бери давом этиб келаётган қизиқ статистика

Эътибор беринг, Ўзбекистон - Уммон (2:1) учрашувидан бери шу пайтгача 13та ўйин ўтказилган бўлса, шуларнинг ҳаммасида томонлардан бири гол уриб иккинчиси ура олмади. Яъни, Ўзбекистон - Уммон баҳсида иккала жамоа ҳам тўп киритишга муваффақ бўлганди. Ундан кейин кетма-кет 13та беллашувда фақат бир жамоа тўп кирита оляпти.

Қуйида Ўзбекистон - Уммон учрашувидан сўнг бўлиб ўтган баҳслар натижасини келтириб ўтамиз. 

Қатар - Ливан 2:0
Таиланд - Баҳрайн 1:0
Иордания - Сурия 2:0
БАА - Ҳиндистон 2:0
Австралия - Фаластин 3:0
Хитой - Филиппин 3:0
Жанубий Корея - Қирғизистон 1:0
Эрон - Вьетнам 2:0
Ироқ - Яман 3:0
Саудия Арабистони - Ливан 2:0
Қатар - КХДР 6:0
Япония - Уммон 1:0
Ўзбекистон - Туркманистон 4:0

Мусобақанинг очилиш ўйинидан бошлаб Ўзбекистон - Уммон баҳсини ҳам қўшиб ҳисоблаганда бунгача 11та ўйин ўтказилган бўлиб, шундан бештасида томонлардан бири гол ура олмаганди. 6та учрашувда эса рақиб дарвозасига тўп киритиш ҳар икки жамоага насиб этган. Лекин бизнинг 1-турдаги ўйинимиз бўлиб ўтганидан бери қизиқ статистика давом этиб келяпти. 

Шу ўринда бир савол туғилади: қаторасига 13та ўйинда бир жамоанинг гол уриб иккинчиси ура олмаслиги шунчаки тасодифми ёки жамоалари орасидаги тафовутданми?