ОФК Анатолий Рубаков ва Шерзод Ражабовни футзал бўйича U-20 Осиё чемпионатига таклиф қилди
17 мая 2017 13:43
Новости

ОФК Анатолий Рубаков ва Шерзод Ражабовни футзал бўйича U-20 Осиё чемпионатига таклиф қилди

Ўзбекистонлик футзал ҳаками Анатолий Рубаков Таиланд пойтахти Бангкок шаҳрида ўтказилаётган 20 ёшгача бўлган футзалчилар ўртасидаги Осиё чемпионатида ишлаяпти.

Кеча, 16 май куни ўзбекистонлик рефери мусобақанинг 1-туридан ўрин олган Япония – Хитой Тайпейи (4:0) учрашувида бош ҳакамга ассистентлик қилди. Бугун, 17 май санасида эса Анатолий Рубаков 2-турдан ўрин олган БАА – Хитой (3:1) ўйинида бош ҳакам бўлиб ишлади.

ОФК, шунингдек, ЎФФ матбуот хизматининг етакчи мутахассиси Шерзод Ражабовни мусобақанинг медиа жараёнларини олиб бориш учун Осиё чемпионатига таклиф қилган. Айни вақтда ЎФФ ходими Таиландда бўлиб турибди.

Маълумот учун, 16 май куни бошланган Осиё чемпионати 26-майга қадар давом этади. Мазкур турнирда иштирок этаётган Ўзбекистон U-20 термаси чемпионатни Мьянма устидан эришилган 5:0 ҳисобидаги ғалаба билан бошлади.