ОЧЛ-2017. Иккинчи тур рамзий терма жамоасидан Нестеров жой олди
02 мар 2017 15:26
Новости

ОЧЛ-2017. Иккинчи тур рамзий терма жамоасидан Нестеров жой олди

Бу ҳафта Осиё чемпионлар лигасида 2-тур баҳслари бўлиб ўтди.

ОФК ушбу турда ўзини кўрсатган футболчилардан иборат рамзий терма жамоани тузиб чиқди. Қувонарлиси ундан "Локомотив" клуби дарвозабони Игнатий Нестеров ўрин олган. Посбонимиз БААнинг "Ал Аҳли" клубига қарши ўйинда ўз дарвозаси даҳлсизлигини сақлаб қолди. Нестеров ўз дарвозаси томон йўлланган 5та аниқ зарбанинг барчасини қайтаришга муваффақ бўлди.

Рамзий терма жамоадан "Ульсан Хюндай"нинг бир йўла 5 нафар футболчиси ўрин олгани эътиборга молик. Бу жамоа ушбу турда "Брисбен Роар"ни 6:0 ҳисобида таслим қилди. Рамзий термадан шунингдек машҳур юлдузлар Оскар ("Шанхай СИПГ") ва Алекс Тейшейра ("Жиангсу Сунинг") ўрин олишган.