Миржалол Қосимов: "Оддий вазиятдаги хато қимматга тушди"

- Қизиқарли ўйин бўлди. Ҳавони иссиқлигига қарамасдан ўйингоҳга келган мухлисларга ёқадиган футбол намойиш этилди. Биринчи бўлим кескин курашларга ва вазиятларга бой тарзда ўтди. Дастлабки таймда биз ҳам, рақиб ҳам гол уриши мумкин эди. Танаффусдан кейин жамоамиз бўшашгандек кўринди. Шунингдек, гол ўтказиб юборилган вазиятдаги оддий хато қимматга тушди. Учрашувнинг қолган дақиқаларида вазиятни ўнглаш учун ҳаракат қилдик. Бироқ "Сурхон" жамоаси ҳимояланишда яхши ўйнади ҳамда қарши ҳужумда ҳаракат қилди. Биз эса ҳисобни тенглаштириш учун яратилган вазиятлардан фойдалана олмадик.