Ҳамид Актамов: "Шерали Жўраев ўтган ўйинда бошидан жиддий жароҳат олган. Достон Ибрагимовни топганимиз йўқ"

"Ўйин ҳақида нима дейишим мумкин? "Навбаҳор" жамоаси яхши ҳаракат қилди. Ўзи учун керакли бўлган уч очкога эга чиқди. Кутилмаганда икки нафар асосий таркиб футболчимиз жароҳат олди. Натижада ёшларни майдонга туширдик. Уларга ҳам имконият бериш керак. Бугун ғалаба қозонамиз деб ўйлаган эдик. Аммо, ўйинимиз ўхшамади, омадимиз келмади. Икки нафар футболчининг жароҳати жуда катта таъсир қилди. Захирани амалга оширгунимизга қадар ўйинимиз яхши чиқаётган эди. Шундан кейин ўйинимиз ўзгариб кетди. Боз устига Шерали Жўраев ҳам таркибда йўқ эди. Балки шулар ҳам таъсир қилган бўлиши мумкин. Кейинги ўйинларга яхши тайёргарлик кўрамиз ва охиригача курашамиз. 

Салим Мустафоев ва Ойбек Қиличевнинг жароҳати оғир эмас. Тез кунларда тузалади деган умиддамиз. Бугунги ўйинда ёрдам бера олишмади. 

Достон Ибрагимов билан ҳали алоқага чиққанимиз ва топганимиз йўқ. Чақиряпмиз, ҳали келганича йўқ. Шерали Жўраев "Андижон" билан ўйинда бошидан жиддий жароҳат олган, хотирасини йўқотган, эслолгани йўқ",- дейди Ҳамид Актамов.