Дубль қайд этиб, жамоасига иродали ғалаба келтирган ҳужумчи, дарвозани "қуруқ" сақлаган посбон — Суперлигада 10-тур лауреатлари

Championat.asia ўтказилган баҳслар асосида тур лауреатларини аниқлади.

"Пахтакор" посбони Санжар Қувватов Championat.asia сайти талқинига кўра 10-турнинг энг яхши дарвозабони деб топилди. 

"Пахтакор" дарвозабони ортда қолган турда қойилмақом ўйин намойиш этиб, ўз дарвозасини "қуруқ" сақлади ва жамоаси ғалабасига муносиб ҳисса қўшди. 

ОКМКнинг италиялик ҳужумчиси Мартин Боакье Championat.asia талқинига кўра 10-турнинг энг яхши футболчиси дея эълон қилинди. 

"Андижон"га қарши баҳс сўнгги дақиқаларида 2 та гол урган Боакье ОКМКга муҳим ғалабани тақдим қилди. 28 ёшли форвард жорий мавсум 9 та ўйинда қатнашиб, 5 та тўп киритишга улгурди. 

"Сўғдиёна" ҳужумчиси Зенан Займовичнинг "Турон" дарвозасига урган голи Championat.asia талқинига кўра 10-турнинг чиройли голи (ВИДЕО) деб топилди. 

Жиззахликлар аъзоси "Турон" билан баҳсда дубль қайд этиб, жамоасига ишончли ғалаба келтирди. У биринчи тўпни моҳирона тарзда дарвозага киритиб, муносиб равишда тур голига муаллифлик қилган ўйинчи сифатида тан олинди.

Миржалол Қосимов Championat.asia талқинига кўра 10-турнинг энг яхши мураббийи сифатида эътироф этилди.

Тажрибали мураббий бошчилигидаги ОКМК бу турда "Андижон" устидан иродали ғалабага эришди.