Артур Геворкян: "Шерлар”га қарши ўтказган ўйинимдан қониқиш ҳосил қилмадим”
04 мар 2017 12:17
Новости
![](https://championat.asia/upload/storage/243019_original.jpg)
![](/upload/storage/243019_220.jpg)
Артур Геворкян: "Шерлар”га қарши ўтказган ўйинимдан қониқиш ҳосил қилмадим”
Ушбу турда Тошкентнинг "Пахтакор" клуби ўз уйида Навоийнинг "Қизилқум" жамоасини қабул қилди ва (3:1) ҳисобида ғалаба қозонди. Учрашувдан сўнг "Қизилқум" клуби футболчиси Артур Геворкян ўз фикрлари билан ўртоқлашди.
“Чемпионатнинг илк туридаги учрашув ҳар қандай жамоа учун қийин бўлади. Биринчи ўйин бўлгани учун ҳаяжон бўлган бўлиши мумкин. Дастлабки бўлим иккинчисига қараганда қизиқарли бўлди, деб ўйлайман. Ўйин темпи ҳам юқори бўлди.
Иккинчи бўлимда ўз имкониятларимиздан фойдалана олмадик ва ҳимоядаги хатоларимиз туфайли ўз дарвозамиздан 3 тўп олиб чиқдик. Ғалаба қозониш учун қўлимиздан келган барча ишни амалга оширдик. "Пахтакор"га қарши баҳс биз учун омадсиз бўлди, деб ҳисоблайлик.
Мағлубиятда барчанинг айби бор. Алоҳида бир футболчини айбдор қилиб кўрсатқочи эмасман. Шунинг учун ушбу мағлубиятни тезда эсимиздан чиқариб, иккинчи турга тайёргарлик кўришимиз керак.
“Пахтакор” клуби анча йилдан бери олий лигада ўйнаб келмоқда. Ушбу клубда терма жамоага номзод бўлган бир қатор футболчилар бор. “Шерлар”га қарши ўтказган ўйинимдан қониқиш ҳосил қилмадим. Мана шу мағлубият барча учун дарс бўлиб қолсин” – дейди “Қизилқум” клуби футболчиси Артур Геворкян.
Жаҳонгир Сотволдиев суҳбатлашди.
Похожие новости
![AMP Logo](https://championat.asia/image/logo-amp.png)
Комментарии