Ёшлар лигаси: “Насаф” – “Динамо” 3:2 (Тўлиқ шарҳ)

Учрашувнинг 43-дақиқасида меҳмонларнинг ҳужумимидан кейин тўп “Насаф” жарима майдончасига узатилгач, Лазизжон Нуриддинов боши билан тўпни дарвозага аниқ йўллади – 0:1. Иккинчи бўлимда Жонибек Кўчимов орадаги фарқни иккитага оширди. Аммо ўйиннинг сўнгги ўн беш дақиқасида ёш футболчиларимиз ажойиб ўйин намойиш этиб, мағлубиятни ғалабага айлантира олишди. Дастлаб 76-дақиқада меҳмон ҳимоячилар ўз жарима майдончалари ичида ёш ҳужумчи Бобир Абдиҳолиқовга нисбатан ўйин қоидасини бузишди. 11-метрлик жарима зарбасини захирадан майдонга тушган Дилшод Хушбаков голга айлантирди. Орадан беш дақиқа ўтгач яна ўша Хушбаков ўзини кўрсатди. Бу сафар бўйдор ҳужумчи қанотдан узатилган тўпни бош билан дарвозага аниқ йўналтирди-2:2. Иккинчи бўлим ўрталарида “Насаф” ўринбосарлар таркибида жамоамизнинг тажрибали ҳужумчиси Кенжа Тўраев майдонга тушди. Мухлисларнинг хабари бор, Кенжа ўтган йилги мавсумнинг иккинчи даврасида сафарда “Бухоро”га қарши ўйинда жиддий жароҳат олиб, майдонни тарк этганди. Қарйиб ўн ойлик танаффусдан кейин у яна яшил майдонга қайтди. Учрашувнинг 85-дақиқасида айнан Кенжа Тўраевнинг ўнг қанотдан ҳаволатиб жарима майдончасига узатган тўпини Бобир Абдиҳолиқов “қайчи” услубида рақиб дарвозасига жойлаб қўйди ва ўйинда якуний ҳисобни ўрнатди – 3:2.

 

Ёшлар лигаси, 13-тур.18.06.2015.

“Насаф” – “Динамо” 3:2 (0:1)

Қарши шаҳри. “Меҳнатчи” стадиони. 210 томошабин.

Ҳакамлар: Жасур Мухтаров (Тошкент) – 8,2, Артём Калинин (Қарши)-8,3, Зуфар Элибоев (Қарши) -7,7, Зилола Раҳматов (Қарши)-8.
 
Назоратчи: Сайфиддин Эрматов.

“Насаф”: 1. Алибек Туробов, 4. Самандар Очилов, 7. Акрамжон Баҳритдинов (с) (27. Кенжа Тўраев, 64), 10. Ислом Рашидхонов (33. Жаҳонгир Қурбонбоев, 64), 14. Бобир Абдиҳолиқов, 22. Илом Кенжабаев, 29. Акмалжон Олимов (23. Шаҳриёр Имомхўжаев, 90), 32. Алишер Юсупов ( 42. Сардор Саъдуллаев, 39), 34. Абдулазиз Нишонбоев, 38. Дониёр Нарзуллаев, 57. Азизжон Ғаниев (19. Дадажон Маматқулов, 90).

Захирадагилар: 12. Умиджон Эргашев, 9. Дилшод Хушбаков, 42. Сардор Саъдуллаев.

“Динамо”: 1. Рустам Тоштурдиев, 6. Ғолибжон Сарибаев (24. Ойбек Туробов, 88), 10. Муҳаммад Ражабов (17. Ислом Ҳамидов, 72), 15. Лазизжон Нуриддинов, 21. Жонибек Кўчимов (18. Дамиржон Тиллаев, 76), 22. Жасур Қурбонов, 23. Акбар Сиддиқов, 15. Саддам Боймаматов, 26. Ҳошимжон Аламхонов, 70. Амиржон Сафаров, 77. Алим Файзуллаев (16. Ойбек Элибоев,60).

Захирадагилар: 32. Умиджон Низомов, 4. Амиржон Аминжонов, 94. Саид Ризо Миршарафов.

Голлар: Дилшод Хушбаков, 76-пен, 81, Бобир Абдиҳолиқов, 85 - Лазизжон Нуриддинов, 43, Жонибек Кўчимов, 58.

Огоҳлантиришлар:  Акбар Сиддиқов (32),  Cаддам Боймаматов (62), Жасур Қурбонов, (90), Ҳошимжон Аламхонов (90+2).