Шоҳруз Норхонов: "Пулни ўйласам футболни ким ўйнайди?"

"Клубда қолишимни раҳбарият истади, Ўтган йил уч йиллик шартномага имзо чекканман ва унинг яна икки йили бор. Тўғри менга "Пахтакор", "Бунёдкор" ва "Локомотив" клубларидан қизиқишлар бўлди. Менимча ҳар қандай футболчига бундай клублардан таклифлар бўлиши ёқимли. Аммо мен ҳали ўз устимда яна кўп ишлашим керак. Ҳозир менга ўйин амалиёти жуда зарур.

Мен ҳозирда пулни ўйлаб унинг йўлидан кетсам футболни ким ўйнайди? Мен фақат футбол ўйнашни хоҳлайман. Биласизми, сабр ва ишлаш - бу менинг шиорим", - дейди Норхонов "Футбол Экспресс" газетасига берган интервьюсида.