“Локомотив” 3та ўйиндан 3 очко олса, Россия чемпиони бўлади, Денисов ҳам
24 апр 2018 00:56
Новости

“Локомотив” 3та ўйиндан 3 очко олса, Россия чемпиони бўлади, Денисов ҳам

Россия Премьер-лигасининг 27-туридан сўнг “Локомотив” жамоасининг чемпион бўлиши деярли ойдинлашди.

Бундан бир соатча аввал “Спартак”нинг ўз майдонида “Ахмат”га 1:3 ҳисобида ютқазиб қўйгани “темирйўлчилар”нинг чемпионлик учун имкониятларини кескин ошириб юборди.

Энди “Локомотив” қолган 3та турда 3 очко олса чемпионлик учун кифоя бўлади. Юрий Сёмин шогирдлари иккинчи ўриндаги ЦСКАни 6, “Спартак”ни 7, “Зенит”ни 8, “Краснодар”ни эса 10 очкога ортда қолдирмоқда.

Ҳамюртимиз Виталий Денисов захирада қолиб кетаётган “Локомотив” қолган ўйинларда 3 очко тўплай олса, ўз тарихида учинчи бор Россия чемпионига айланади. Жамоа 2002 ва 2004 йилларда ҳам чемпионлик шохсупасига кўтарилган эди.