Дониёр Ҳасанов: “Обод” ПФЛ талаб қилган ҳужжатларни тайёрламоқда”
22 дек 2015 14:35
Новости

Дониёр Ҳасанов: “Обод” ПФЛ талаб қилган ҳужжатларни тайёрламоқда”

Жорий мавсум биринчи лигада кичик олтин медалларни қўлга киритган Тошкентнинг “Обод” жамоаси регламентга кўра, келаси йил олий лигада иштирок этиш хуқуқига эга.

Аммо бугун ЎФФда бўлиб ўтган қуръа ташлаш маросимида ПФЛ бош директори Фарҳод Магометов “Обод”ни элитада иштирок эта олмаслигини ҳам таъкидлаб ўтиб, бунга клубни лицензиялаш ишлари ҳозирча тайёр эмаслигини, лекин муҳлат берилганини таъкидлаб ўтган. Биз эса қуръадан сўнг, “Обод” жамоаси сардори Дониёр Ҳасанов билан суҳбатлашдик.

- Очиғи, қуръага жиддий эътибор бермагандик. Сабаби биз учун қайси жамоа билан ўйнашнинг аҳамияти юқори эмас эди. Ҳар бир рақиб билан барибир ўйнашга тўғри келади – дея гап бошлади Ҳасанов.

- Тўғри, чемпионатнинг бошланишида ўртамиёна жамоалар билан тўқнаш келган яхшироқ. Лекин биз бунга эътибор қаратмадик. Асосийси ПФЛ талаб қилган ҳужжатларни айтилган муҳлатгача тайёрлашни ўйлаяпмиз. Айни пайтда бу борада иш олиб борилмоқда. 10 январга қадар талабларни бажаришга ҳаракат қиламиз. Сўнгги қарорни барибир ПФЛ чиқаради.

Исломбек Рустамбеков.

Ссылка :

Источник : championat.asia

Получайте новости прямо в Telegram!

Рейтинг: +1