Аллегри Роналду яна гол урмагани ҳақида фикр билдирди

"Бу баҳс "Кьево"га қарши ўйиндан фарқ қилди, учрашув бошида биз қаергадир шошилдик. Бу Роналдунинг уй стадионида ўтказган илк учрашуви бўлганлиги туфайли ҳиссиётга берилдик, сабрлироқ бўлишимиз керак.

Дибаласиз чизиқлар орасида пас ўйнаш қийинроқ бўлди, аммо яхши ҳимояландик ва иккинчи бўлимда ажойиб ҳаракат қилдик.

Бугунги ўйинимиздан кўнглим тўлди. Бу йирик клубга қарши ўтказган мавсумдаги биринчи расмий учрашувимиз бўлди ва ҳаммаси яхши ўтди.

Роналду яна гол урмади? Италия футболи Испанияникидан тўлиқ фарқ қилади ва Криштиану буни тушуниб турибди. У яхши мослашмоқда. Роналду камтар йигит, у жамоамиз ўйинига қўшаётган хиссасидан мамнунман" - дейди Аллегри.