So’nggi yangiliklar

10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  0 10:00ЦСКА устози РПЛнинг энг кучли футболчиси кимлигини айтди  2 09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  6 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  2 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  17 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1

Zoyir Mirzaevning Qashqadaryo viloyati futbol rahbarlari bilan uchrashuvi qanday o'tdi? Yangiliklar

Zoyir Mirzaevning Qashqadaryo viloyati futbol rahbarlari bilan uchrashuvi qanday o'tdi?

17 fevral kuni Qashqadaryo viloyati hokimi Zoyir Mirzaev "Nasaf", "Mashal", "SHo'rtan" klublari rahbarlari, viloyat futbol Federaciyasi vakillari va futbol muxlislari bilan uchrashdi.

Uchrashuvda viloyat hokimi "Nasaf" bosh murabbiyi Ro'ziqul Berdievni "Dinamo"ga taklif etgani haqida gapirib berdi.

"Samarqand viloyati hokimi bo'lib ishlayotgan paytlarimda "Dinamo"ni kuchaytirish maqsadida klubga Ro'ziqul Berdievni taklif qildim. Uning javobidan juda tasirlangandim o'shanda - "Bor etiborim shu klubda, men "Nasaf"siz futbolni tasavvur etolmayman", degandi Berdiev. U menga klubdan bo'shatib yubormagunlaricha boshqa klubga o'tish taklifini ko'rib chiqolmasligini malum qilgandi", - deydi Zoyir Mirzaev.


Futbol jamoatchiligi va viloyat rahbari bilan bo'lgan ilk yig'ilishda Norqul Daminov boshchilik qilayotgan Qashqadaryo viloyat futbol Federaciyasi faoliyati ham qoniqarsiz ekanligi tanqid qilinib, o'tkazilgan ijtimoiy so'rovnomada 31 foiz aholi hatto bunday tashkilot borligini bilmasligi aytib o'tildi.

SHuningdek hokim klublar bosh menedjerlarining hisobotini ham tingladi. "Nasaf" bosh menedjeri Sergey Kucherenko "ajdarlar" yangi mavsumda kuchli uchlikka kirishni ko'zlayotganini malum qildi. Yig'lishda homiylik muammosi ham o'rtaga tashlandi. G'uzorning "SHo'rtan" klubi yangi mavsumga tayyorgarlikni juda kech boshladi. Klub hali hamon o'tgan mavsumdagi qarzdorliklarini to'liq bartaraf etmagan. Jamoa bosh menedjeri SHamil Yarulin hali ham klubda yillik byudjet tasdiqlanmagani, homiylar tomonidan mablag' tashlab berilmaginini aytib o'tdi. Viloyat hokimi mazkur masalada albatta yordam berishini biroq o'z navbatida klubdan natijani ham talab qilishini takidladi.
"Men uni yoki bu futbolchini o'ynat demayman. Biroq, milliardlab mablag' sarflanayotgan sohadan natija so'rashga viloyat hokimi sifatida meni ham muxlislarning ham haqqi bor. Klublarga qancha mablag' ajratilgani malum qilinadi va shu mablag'ga yarasha natija ham talab qilamiz. Talabni bajarolmaganlarga kerak bo'lsa chora ham ko'ramiz", - deydi viloyat hokimi.


Zoyir Mirzaev klublar ochiqlik siyosatiga o'tish kerakligini ham takidladi: "Jamoalar kimga qancha maosh berayotgani, qaerga, qancha mablag' ishlatayotganini malum qilib borishi kerak. SHunda shaffoflik bo'ladi. SHunda futbol faqatgina maydon ichida o'ynaladi. Maydon atrofida emas", - deya aytib o'tdi Zoyir Mirzaev.


Yana bir muhim yangiliklardan biri Qashqadaryoda hokim kubogi tiklanadigan bo'ldi. Viloyat hokimi kubok bahslari uchun 400 million so'm ajratishini malum qildi. Unda shahar va tuman hokimlarining jamoalari bahs olib boradi va Hokim kubogi aprel-sentyabr oylari oralig'ida bo'lib o'tishi malum qilindi.

SHuningdek, Zoyir Mirzaev 29 fevral kuni Muborakda bo'ladigan "Mashal" - "So'g'diyona" bahsini ko'rish uchun ochilish o'yiniga borishini malum qildi. "Muborakka boraman. Lekin "So'g'diyona"ni yutishinglar kerak", - deya samimiy hazil qildi viloyat rahbari.

Yig'ilish yakunida viloyat hokimiga "Mashal" klubining esdalik futbolkasi sovg'a sifatida topshirildi.



Nomoz CHoriev Qarshi shahridan maxsus
Foto: Abdilatif SHodiev

Reyting: +27   

Fikrlar

championat.asia
< so’nggi yangiliklarni ko’rish
Яндекс.Метрика